საქართველოს შინაგან საქმეთა და თავდაცვის ყოფილი მინისტრი, ბაჩო ახალაია ხვალ პირველ მარტს საპყრობილეს დატოვებს.
შეგახსენებთ, ბაჩო ახალაია 2012 წლის ნოემბერში დააკავეს. მას ბრალი რამდენიმე საქმეზე წარედგინა.
2014 წლის ოქტომბერში თავდაცვის ყოფილ მინისტრს თბილისის საქალაქო სასამართლოს მოსამართლე ბესიკ ბუგიანიშვილმა 7 წლით და 6 თვით თავისუფლების აღკვეთა მიუსაჯა. მოსამართლემ ახალაია დამნაშავედ ცნო პატიმრების წამების ეპიზოდში.
ასევე, სამსახურებრივი უფლებამოსილების ბოროტად გამოყენებაში, რაც გამოძიების მტკიცებით, სანდრო გირგვლიანის მკვლელობაში მსჯავრდებულებისთვის ციხეში შეღავათიანი პირობების შექმნას გულისხმობს.
ბაჩო ახალაია გამართლდა 333-ე მუხლით გათვალისწინებულ ბრალდებაში, რაც უფლებამოსილების გადამეტებას გულისხმობს.
კომენტარები