ავიაკომპანია Wizz Air რუსეთში ყველა ფრენას აუქმებს და აცხადებს:
“იმ სანქციების პაკეტის გათვალისწინებით, რომელზეც ევროპელი და აშშ-ის ლიდერები შეთანხმდნენ, ჩვენ ვერ შევძლებთ რუსეთში თვითმფრინავების სათადარიგო ნაწილებზე წვდომას, თუ ისინი დაგვჭირდება. ამიტომ არ არსებობს იმის გარანტიაც, რომ ფრენების აღდგენა შესაძლებელი გახდება უახლოეს მომავალში…
ჩვენი მგზავრებისა და ეკიპაჟის უსაფრთხოება მუდმივად რჩება ჩვენს ნომერ პირველ პრიორიტეტად”
უკრაინაში დაწყებული ომის გამო რუსეთს სანქციები აშშ-მ, ევროკავშირმა, დიდმა ბრიტანეთმა, კანადამ და სხვა ქვეყნებმა დაუწესეს. ფინანსურ სანქციებთან ერთად, რუსეთს შეეზღუდა ისეთ ტექნოლოგიებზე წვდომა, რომელიც ზოგიერთ ქვეყანაში იწარმოება. გარდა ამისა, ევროპის რამდენიმე ქვეყანამ რუსეთისათვის საჰაერო სივრცე ჩაკეტა – მათ შორის, დიდმა ბრიტანეთმა, გერმანიამ, ჩეხეთმა, სლოვენიამ, პოლონეთმა, ლიეტუვამ, ლატვიამ, ესტონეთმა, რუმინეთმა, ბულგარეთმა, საფრანგეთმა და თავად უკრაინამ.
კომენტარები