თბილისში უკრაინის მიმართ სოლიდარობის დამადასტურებელი კიდე ერთი აქცია იწყება – “ნაციონალური მოძრაობის” წარმომადგენლები, სამოქალაქო აქტივისტები და მოქალაქეები პირველი რესპუბლიკის მოედანზე დროშებითა და სხვადასხვა შინაარსის პლაკატებით იკრიბებიან.
რამდენიმე წუთში ისინი თავისუფლების მოედნისკენ ავტომობილებით დაიწყებენ მსვლელობას, ბოლოს კი მთავრობის კანცელარიასთან მივლენ.
აქციის მონაწილეები უკრაინის საკითხზე ხელისუფლების უმოქმედობას გმობენ და ამბობენ, რომ დღეს საქართველოს მთავრობა მოსახლეობის ინტერესებს არ გამოხატავს.
კომენტარები