“ჩვენ იდიოტები კი არ ვართ” – ლევან ლორთქიფანიძე

არც რუსეთის მიმართ აგრესიულ განცხადებებს,

არც უკრაინისთვის იარაღის მიწოდებას!

ჩვენ იდიოტები კი არ ვართ, ვიცით რა უბედურება შეიძლება მოჰყვეს ერთ არასწორ ნაბიჯსაც კი ჭკუიდან გადასული, გადელებული პუტინის მხრიდან.

ჩვენ საქართველოს მთავრობისგან ვითხოვთ ღირსეულ, გულწრფელ და უკრაინელი ხალხისა და კოლეგებისადმი ნამდვილი თანაგრძნობით აღბეჭდილ განცხადებებს, ჰუმანიტარულ დახმარებას უკრაინელი ხალხის მიმართ…

სამწუხაროდ, საქართველოს პრემიერ-მინისტრს არც ქვეყნის შიგნით და არც ქვეყნის გარეთ აქვს შესაბამისი ავტორიტეტი, არც დიდი მჭევრმეტყველური უნარებით გამოირჩევა, რათა მკაფიოდ, დიპლომატიურად ჩამოაყალიბოს შემდეგი აზრი (თან უკრაინაშიც კი მსმენელთა პატივისცემა დაიმსახუროს):

“მთელი სულით და გულით უკრაინელ ხალხთან ვართ, ვგულშემატკივრობთ მშვიდობას, იმპერიალიზმის მსხვერპლი ქვეყნის ტერიტორიულ მთლიანობასა თუ სუვერენიტეტს, ვდარდობთ დაღუპულ ადამიანებზე, განსაკუთრებით მოხუცებსა და ბავშვებზე, ვიცით რა დღეში ხართ, ჩვენც გამოგვივლია იგივე – აფხაზეთში, 2008-ში… მაგრამ წარმოვადგენთ დაგლეჯილ, აგრესიის შედეგად მიწასთან გასწორებულ, 20%-ით რუსული უღლის ქვეშ მცხოვრებ, არასტაბილურ, არეულ-დარეულ ქვეყანას, რომელსაც ხელ-ფეხიც შეკრული აქვს და არც დასავლეთის დიდი იმედი ასულდგმულებს. ამიტომ ბევრის გაკეთება არ შეგვიძლია სამართლიანობისთვის…”

ისე უნდათ საქმის წარმოჩენა, რომ თითქოს უკრაინის ამბებთან დაკავშირებით მხოლოდ ქოცებისა და ნაცების პოზიცია შეიძლება გქონდეს ადამიანს.”