“კიევმა მოლაპარაკებებზე უარი თქვა, ჯარი განაახლებს წინსვლას – პესკოვი

რუსეთის სახელმწიფო მეთაურის პრესმდივანმა, დიმიტრი პესკოვმა განუცხადა:

„გუშინ შუადღისას, უკრაინის ხელმძღვანელობასთან მოსალოდნელ მოლაპარაკებებთან დაკავშირებით, რუსეთის უზენაესმა სარდალმა და რუსეთის პრეზიდენტმა, ვლადიმერ პუტინმა გასცეს ბრძანება რუსული ჯარების ძირითადი ძალების წინსვლის შეჩერების შესახებ. უკრაინულმა მხარემ უარი თქვა მოლაპარაკებაზე, დღეს შუადღისას მთავარმა რუსულმა ძალებმა განაახლეს წინსვლა ოპერაციის გეგმის შესაბამისად“.

შეგახსენებთ, მოსკოვიდან გუშინ ურთიერთგამომრიცხავი განცხადებები ვრცელდებოდა, ლავროვი, საგარეო საქმეთა მინისტრი აცხადებდა, რომ მხოლოდ იმ შემთხვევაში დაიწყება მოლაპარაკება, თუ უკრაინა იარახს დაყრიდა, ზახაროვა წერდა, რომ ბანდიტებისგან უნდა გათავისუფლდეს უკრაინა, პუტინი აცხადებდა, რომ მის ჯარებს “ნარკომნები და ბანდიტები” ებრძვიან და უკრაინელ ხალხს მიმართავდა, საკუთარი მთავრობისგან გათავისუფლებულიყვნენ და მერე ესაუბრათ რუსეთთან, პესკოვის სახელით კი რუსულ მედიაში ვრცელდებოდა ინფორმაცია, რომ კოევი და მოსკოვი მოლაპარაკებას დაიწყებს.