მოძრაობა “ერი და სახელმწიფოს” დამფუძნებელი, ზვიად ტომარაძე:
“ვინც ამბობთ უკრაინამ გაიჩალიჩა, რუსეთი აიძულა თავს დასხმოდაო, შეკითხვა მაქვს თქვენთან: 1795 წელსაც “გავიჩალიჩეთ” და ირანი ვაიძულეთ თავს დაგვსხმოდა, რადგან საქართველოს რუსეთთან ურთიერთობა არ მოსწონდა?:)
ომის დამწყების იმით გამართლება, რომ არ მოსწონს დამოუკიდებელი ქვეყნის საგარეო არჩევანი, რბილად რომ ვთქვათ არასწორია! უკრაინის გამო ევროპა ფიზიკურად რომ არ იომებდა, ეს რთული გამოსაცნობი არ იყო, ნატოში უკრაინის მიღებაც ევროპას რუსეთთან სავაჭროდ უნდოდა, თორემ ამას ათწლეულები არ დასჭირდებოდა…
საქართველოს ხელისუფლების დადანაშაულება რუსეთისთვის სანქციების არდაწესებაზე არასწორი მგონია, რადგან ჩვენ უსუსტესი სახელმწიფო ვართ და ამით რუსეთს ვერაფერს დავაკლებდით. გარდა ამისა, საქართველო უკრაინისთვის ევროპაზე მეტს ვერ გააკეთებდა…
სხვა მხრივ უკრაინას ნებისმიერი მხარდაჭერა (მაგალითად პარლამენტმა) აუცილებლად უნდა გამოვუხატოთ! გამოსავალი მსოფლიოს მიერ რუსეთის სრული იზოლაციაა, საბანკო ანგარიშების გაყინვით დაწყებული, ნებისმიერი კულტურულ-სპორტულ-საგანმანათლებლო ღონიძიებებიდან გარიყვით!
ასეთ შემთხვევაში, რუსეთში თვითონ ხალხი გამოვა ქუჩებში და იმედია ეცდება შეცვლოს არსებული დერჟავული მიდგომები…”
კომენტარები