რუსთავი2-ის ეთერში, პრემიერი, ირაკლი ღარიბაშვილი, რუსეთ-უკრაინის კონფლიქტის შესახებ საუბრისას ამბობს:
“კარგად მახსოვს, ჩემი პირველი პრემიერობის დროს მოხდა ყირიმის ანექსია და, მაშინაც ვაკვირდებოდით რა რეაქცია ექნებოდა დასავლეთს და მსოფლიოს. რამდენიმე თვის შემდეგ ვიზიტი მქონდა ერთ-ერთ ქვეყანაში და სამწუხაროდ, უნდა გითხრათ, რომ არავინ აღარ საუბრობდა ყირიმზე, რაც ტრაგედიაა. დღეს კიდევ უფრო გართულდა სიტუაცია. პირდაპირ უნდა იქვას, რუსეთი ცდილობს შეცვალოს მსოფლიოს წესრიგი, ის წესრიგი, რომელიც დამყარდა მეორე მსოფლიო ომის შემდეგ, შემდეგ ცივი ომის დასრულებისა და საბჭოთა კავშირის დაშლის შემდეგ, ეს წესრიგი დღეს დიდი გადახედვის პროცესშია, ამიტომ, ჩვენ პატარა ქვეყანა ვართ, ჩვენი როლი გვაქვს, მაგრამ ზედმეტი ემოციების დახარჯვა არაფრის მომტანია. მშვიდდად, ცივად, ეროვნული ინტერესებიდან გამომდინარე, პრაგმატულად უნდა ვიმოქმედოთ.
ჟურნალისტის კითხვას, ხომ არ არის შესაძლებელი, რამე ტიპის გავლენის მოხდენა სცადოს საქართველომ, თუნდაც, მოლაპარაკების პლატფორმა შესთავაზოს რუსეთსა და უკრაინას, პრემიერი ასე პასუხობს:
“ხომ წარმოუდგენელია, მე რაღაც როლი შევასრულო უკრაინა-რუსეთის კონფლიქტში? მე დღეს არარეალურად მეჩვენება აღნიშნული, თუმცა, ყველა რესურსი უნდა გამოვიყენოთ, რომ რაღაც წვლილი შევიტანოთ სიტუაციის დეესკალაციაში.
უნდა ვიყოთ რეალისტები. ზედმეტი წარმოდგენა არ უნდა გვქონდეს, ჩვენი რეგიონი ძალიან პატარა რეგიონია, ყველაფერი ცხელი მოვლენები ხდება ევროპის შუაგულში, მთელი საერთაშორისო სისტემა დიდი გამოწვევის წინაშეა. მაქსიმუმს ვაკეთებთ, მაგრამ არ უნდა მოვწყდეთ რეალობას, ზედმეტი ემოციები და ზედმეტი სიტყვები არაფრის მომცემია, მინდა ეს ვთქვა.”
კომენტარები