რუსეთის მიერ უკრაინის ოკუპირებული ტერიტორიების აღიარების შემდეგ ამერიკის შეერთებული შტატების სახელმწიფო მდივანმა, ენტონი ბლინკენმა რუსეთის საგარეო საქმეთა მინისტრ სერგეი ლავროვთან დაგეგმილი შეხვედრა გააუქმა, რომელიც 24 თებერვალს იყო დაგეგმილი.
ბლინკენის თქმით, ლავროვთან შეხვედრას მხოლოდ იმ პირობით დასთანხმდა, თუ რუსეთი უკრაინაში არ შეიჭრებოდა.
“როდესაც ვხედავთ, რომ შეჭრა იწყება და რუსეთმა ცხადად აჩვენა, რომ უარს ამბობს დიპლომატიაზე, ამ შეხვედრას აზრი არ აქვს”. – თქვა ენტონი ბლინკენმა უკრაინის საგარეო საქმეთა მინისტრ დმიტრო კულებასთან შეხვედრის შემდეგ.
21 თებერვალს რუსეთის ფედერაციის პრეზიდენტმა, ვლადიმირ პუტინმა აღიარა უკრაინის ოკუპირებული ტერიტორიების, ე.წ. დონეცკისა და ლუგანსკის სახალხო რესპუბლიკების დამოუკიდებლობა.
კომენტარები