“კიევის გამზირი” “მოსკოვის გამზირის” ნაცვლად – ინიციატივა საკრებულოს

თბილისის საკრებულოს ოპოზიციური ფრაქცია დედაქალაქში “მოსკოვის გამზირისთვის” სახელის გადარქმევის ინიციატივით გამოდის და აცხადებენ, რომ მათი სურთ მოსკოვის გამზირს უკრაინის დედაქალაქის, კიევის სახელი მიენიჭოს.

ინიციატივას დღესვე უპასუხა საკრებულოს უმრავლესობის წევრმა ზურაბ აბაშიძემ და თქვა:

“წინა ხელისუფლებისგან განსხვავებით, ჩვენ არ ვიღებთ გადაწყვეტილებებს სპონტანურად და ემოციებით. ქუჩის სახელის ცვლილება მხოლოდ პოლიტიკური თემა არ არის, ასეთ საკითხებს სჭირდება მთელი რიგი პროცედურების დაცვა, მოსახლეობასთან კომუნიკაციით და მათთან შეჯერებით. ჩვენ მზად ვართ მსჯელობისთვის და ამ საკითხის განხილვისთვის, მაგრამ არა პოპულიზმით და არა ემოციების ფონზე”