„საქართველო, რომლის ტერიტორიის 20% ოკუპირებულია, გმობს უკრაინის სეპარატისტული რეგიონების – ლუგანსკისა და დონეცკის აღიარების ფაქტს რუსეთის მხრიდან“, – ასე ეხმაურება თბილისის მერი კახა კალაძე რუსეთის მიერ ოკუპირებული დონეცკისა და ლუგანსკის დამოუკიდებლად აღიარებას.
„საქართველო, რომლის ტერიტორიის 20% ოკუპირებულია, გმობს უკრაინის სეპარატისტული რეგიონების – ლუგანსკისა და დონეცკის აღიარების ფაქტს რუსეთის მხრიდან. ჩვენ, საქართველო, გვერდით ვუდგავართ მოძმე უკრაინას, როგორც თავის დროზე უკრაინა დაგვიდგა გვერდით. მჯერა, სულ მალე უკრაინა და საქართველო იქნებიან გამთლიანებული ქვეყნები. ვუსურვებ მათ მშვიდობას“, – წერს კახა კალაძე.
ცნობისთვის, რუსეთის პრეზიდენტმა ვლადიმერ პუტინმა, დონეცკი და ლუგანსკი დამოუკიდებელ სახელმწიფოებად აღიარა. ამის შესახებ მან განცხადება პირდაპირ ეთერში გააკეთა.
კომენტარები