რუსეთის ფედერაციის საბჭოს საერთშორისო ურთიერთობათა კომიტეტის ხელმძღვანელი გრიგორი კარასინი საქართველოს პრემიერ-მინისტრის სპეცწარმომადგენელთან რუსეთთან ურთიერთობების მოგვარების საკითხებში ზურაბ აბაშიძესთან შეხვედრას და „პერსპექტივებზე საუბარს“ გეგმავს, ამის შესახებ კარასინმა „ტასს“ განუცხადა. ინფორმაციას „ეხო კავკაზა“ ავრცელებს.
„მე აბაშიძეს ტელეფონით კვირაში ერთხელ ვესაუბრები. ახლა ვგეგმავთ პატარა გუნდის შეკრებას, შეხვედრას და პერსპექტივებზე სერიოზულ საუბარს. არის მრავალი საკითხი – „3+3“ ფორმატი, ორმხრივი ურთიერთობები, რეგიონული პოლიტიკა. უნდა გადავწყვიტოთ რას ვაკეთებთ მომავალში, არსებობს ავიარეისების განახლების პრობლემა, მოქალაქეების მიმოსვლის, ვიზების პრობლემები. ანუ განსახილველი თემა საკმაოდ ბევრია“ – განაცხადა კარასინმა.
მისი თქმით, შეხვედრა, სავარაუდოდ, პრაღაში გაიმართება. კარასინის ინფორმაციით, შეხვედრის ჩატარება მარტისთვის იგეგმება, „თუ პანდემია ამის საშუალებას მისცემს“.
კარასინი აბაშიძის ფორმატი – ერთადერთი ორმხრივი დიალოგის ფორმატია საქართველოსა და რუსეთს შორის. 2008 წლის ომის და რუსეთის მიერ აფხაზეთისა და ე,.წ. სამხრეთ ოსეთის „დამოუკიდებლობის“ აღიარების შემდეგ ორ ქვეყანას შორის დიპლომატიური ურთიერთობები გაწყვეტილია.
pia.ge
კომენტარები