დაუნის სინდრომის მქონე მოდელი Victoria’s Secret-ის სახე პირველად გახდა

პუერტო-რიკოელმა სოფიამ 17 სხვა მოდელთან ერთად Love Cloud-ის კოლექცია წარადგინა, რომლის მიზანიც იყო, რომ თეთრეული ყველა ტიპის ქალისთვის შეექმნათ.

კამპანიის სახეებად Victoria’s Secret-მა განსხვავებული ასაკის, კანის ფერისა და სხეულის ფორმების მქონე პროფესიონალი და დამწყები მოდელები შეარჩია. კამპანიაში ასევე ჩართულია ტრანსგენდერი მოდელი ვალენტინა სამპაიოა, რომელიც Victoria’s Secret-ს 2019 წელს შეუერთდა.

“ამ დღეზე ვოცნებობდი, ბევრი ვიშრომე და ოცნებაც ახდა.Victoria’s Secret-ში დაუნის სინდრომის მქონე პირველი მოდელი ვარ. დიდი მადლობა ყველას, ვინც მხარს მიჭერდა. მადლობა Victoria’s Secret-ს, რომელმაც ჩემში მოდელი დაინახა. ეს მხოლოდ დასაწყისია!” — წერს სოფია თავის ინსტაგრამზე.