“ლილუაშვილი მფარველობს ასობით ქოლ-ცენტრს” – ხაბეიშვილი ქოლ-ცენტრის სავარაუდო მისამართს ასახელებს

“ენმ”-ის წევრი, ლევან ხაბეიშვილი, ამ წუთებში, სუს-ის ოფისთანაა და მედისთან განცხადებას აკეთებს:

“ეს არის ფაფხური, ტრანსნაციონალურ დანაშაულზე ვსაუბრობ უკვე რამდენიმე დღეა და პირადად ვარ ჩართული ამ გამოძიებაში, ქოლ-ცენტრის რიგითი თანამშრომლები კი არა, დააკავონ რეალური თანამდებობის პირები, რომლებიც მფარველობენ ამ ქოლ-ცენტრებს. შემთხვევით არ ვარ სუს-ის ოფისთან – ეს არის მთავარი ქოლ-ცენტრი, მთავარი დანაშაულის ადგილი, ეს არის ადგილი, საიდანაც სუს-ის ხელმძღვანელი, ლილუაშვილი ასობით ქოლ-ცენტრის ოფისს მფარველობს საქართველოში, საიდანაც მილიონობით შემოსავალი აქვს ბიძინა ივანიშვილს, უჩა მამაცაშვილს, ლილუაშვილს და ქართულ ოცნებას, რომლებიც შემდეგ ამ თანხებს იყენებენ არჩევნების გასაყალბებლად, ზონდერებისთვის.

1 წელია ხელისუფლებაშია ქართული ოცნება და ჩემ გარეშეც უნდა დაეწყოთ გამოძიება და მე ამასობაში კონკრეტულ ოფისებთან დავდივარ. მინდა გითხრათ, რომ ჭავჭავაძის 30 ნომერში მოწყობილია, ახლაც ფუნქციონირებს ე.წ. ქოლ-ცენტრი, რომელიც უჩა მამაცაშვილისაა – გადაამოწმეთ.

მმართველი პარტიის ლიდერებს მოვუწოდებ, მე მზად ვარ ნებისმიერ ოფისში გამოგყვეთ, ნებისმიერი დანაშაულებრივი ოფისის აღკვეთაში მივიღო მონაწილეობა, გელოდებით, აბა, გვაჩვენეთ ოპოზიციური პარტიის წარმომადგენლების ოფისები, აქ ვარ, წამოვალ ნებისმიერ მისამართზე, ვისიც უნდა იყოს. თქვენი პასუხისმგებლობა არის თქვენი გამოძიების და დანაშაულის.

ვიცი, გვაქვს ინფორმაცია, რომ ბიძინა ივანიშვილის, სუს-ის ხელმძღვანელის წინააღმდეგ, სავარაუდოდ, გატარდება საგამოძიებო მოქმედებები ევროპელი სამართალდამცველების მეშვეობით და სავარაუდოდ, იქნებიან სანქცირებულები, ამის გამო ეწვით, ამის გამო მიმართეს პროპაგანდას და ამოქოქეს კონკრეტული მედიასაშუალება.”