“დიდია გულისტკივილი ბატონი თამაზ მეჭიაურის გარდაცვალების გამო” – ილია მეორე

საქართველოს კათოლიკოს-პატრიარქი, ილია მეორე ყოფილი დეპუტატის, თამაზ მეჭიაურის გარდაცვალების გამო, მწუხარებას გამოთქვამს.

“დიდია გულისტკივილი ბატონი თამაზ მეჭიაურის გარდაცვალების გამო.

განგვეშორა ქვეყნისა და მოყვასის გულშემატკივარი, უფლის მოყვარული, ძლიერი და ერთგული პიროვნება, რომელმაც ჩვენს ცხოვრებაში სერიოზული კვალი დატოვა.

აღვავლენთ ლოცვებს, რათა უფალმან სავანესა მართალთასა დააწესოს მისი უკვდავი სული, ხოლო მის ახლობლებს და გულშემატკივართ მომადლოს მშვიდობა და ბატონი თამაზისათვის ლოცვის ძალა”, – ნათქვამია სამძიმრის წერილში.

შეგახსენებთ, რომ 15 თებერვალს თიანეთის ყოფილი მერი და ყოფილი პარლამენტარი, თამაზ მეჭიაური 67 წლის ასაკში, კორონავირუსით გარდაიცვალა.