ბრალდებულმა არ იცოდა, რომ ორსულად იყო – რას ამბობს ახალშობილის მკვლელობის ბრალდებით დაკავებული დედის ადვოკატი

ჩვილის მკვლელობა ფოთში  – ბრალდებულის ადვოკატი ცირა ჯავახიშვილი აცხადებს, რომ „ბრალდებულმა არ იცოდა, რომ ორსულად იყო“. ადვოკატის თქმით, ბრალდებული აცხადებს, რომ „ნაყოფი უფრო პატარა იყო, ვიდრე 9 თვის ბავშვი“.

მისივე განმარტებით, ამ ეტაპზე ბრალდებულს ფსიქიკური პრობლემა არ აქვს. ჯავახიშვილი თვლის, რომ სასამართლომ ბრალდებულის პატიმრობაში დატოვებით ზედმეტად მკაცრი გადაწყვეტილება მიიღო.

„ფსიქიკური ჯანმრთელობის პრობლემა ამ ეტაპზე არ იკვეთება, მას აქვს გადატანილი გულის მანკი და გულის ოპერაცია აქვს ჩატარებული. ვთვლით, რომ სასამართლოს ბრალდებულის ჯანმრთელობის მდგომარეობა შეეძლო გაეთვალისწინებინა და ამ ეტაპზე არ მიეღო ასეთი მკაცრი გადაწყვეტილება ბრალდებულის პატიმრობაში დატოვების შესახებ. ვთვლით, რომ ეს მკაცრი გადაწყვეტილებაა და შესაძლოა, ის გავასაჩივროთ.იმ ოჯახმა გამომიძახა, რომელიც სავარაუდო დამნაშავეა – რას ჰყვება ხელოსანი, რომელმაც ფოთში, საკანალიზაციო მილში ჩვილის ცხედარი იპოვა

მომხდარის მიზეზი ჩვენებაში არ არის განხილული. ამის შესახებ ინფორმაციას ამ ეტაპზე ვერ მოგაწვდით. ექსპერტიზის დასკვნას იმიტომ ველოდებით, რომ ის მოგვცემს შესაძლებლობას, გავიგოთ თუ რა მოხდა რეალურად – ახალშობილი გარდაცვლილი დაიბადა თუ ცოცხალი იყო და შემდეგ მოხდა დანაშაული. ამის გარკვევა აბსოლუტურად ცვლის კვალიფიკაციას, პროცესს და ყველანაირ მოქმედებას. სწორედ ამიტომ, წინასწარ ვერ მოგცემთ ინფორმაციას იმის შესახებ, თუ რას ამბობს ბრალდებული“, – განაცხადა ადვოკატმა, ცირა ჯავახიშვილმა.