რუსეთის პრეზიდენტის პრესმდივნის, დიმიტრი პესკოვის განცხადებით, პუტინმა მხედველობაში მიიღო სახელმწიფო დუმის მიმართვა დონეცკისა და ლუგანსკის აღიარების შესახებ.
პესკოვმა მიმართვაზე პუტინის რეაქციაზე საუბრისას აცხადებს, „კრემლში ამბობენ, რომ რესპუბლიკების აღიარება არ შეესაბამება მინსკის შეთანხმებებს“.
პესკოვის თქმით, სახელმწიფო სათათბიროს მიმართვა ნათლად მიუთითებს დეპუტატების განწყობაზე,
„მაგრამ პრეზიდენტმა ხაზგასმით აღნიშნა, რომ მთავარია დაეხმაროს სიტუაციის მოგვარებას სამხრეთ-აღმოსავლეთში უკრაინაში და ეს შეიძლება გაკეთდეს მხოლოდ მინსკის შეთანხმების პაკეტის განხორციელებაში, ყოველმხრივი წვლილის შეტანით“, – ამბობს დიმიტრი პესკოვი.
ცნობისთვის, რუსეთის დუმამ ე.წ დონეცკისა და ლუგანსკის სახალხო რესპუბლიკების აღიარების მოთხოვნით პუტინს გუშინ მიმართა.
საპასუხოდ, მიმართვა გაავრცელა უკრაინის რადამაც, რომელმაც საერთაშორისო საზოგადოებას მოუწოდა, არ აღიაროს უკრაინის ოკუპირებული ტერიტორიების დამოუკიდებლობა
კომენტარები