“ბაიდენს მკაცრი მიმართვა ჰქონდა და ეს იყო ძირითადი მესიჯები” – ბატიაშვილი

აღმოსავლეთმცოდნე, რონდელის ფონდის მკვლევარი, ზურაბ ბატიაშვილი:

“როგორც მოსალოდნელიც იყო, ბაიდენს ძალზედ მკაცრი მიმართვა ჰქონდა რუსეთ-უკრაინის დაპირისპირებაზე, რომლის ძირითადი მესიჯებია:

– არ დავთმობთ იმ პრინციპულ საკითხს, რომელიც ეხება ქვეყნების უფლებას, თავად აირჩიონ საკუთარი მომავალი (იგულისხმა ნატოს აღმოსავლეთით გაფართოება და ეს ჩვენც გვეხება);

– არ დასტურდება რუსული სამხედრო ნაწილების გამოცხადებული გასვლა უკრაინის მისადგომებიდან;

– პირიქით, მოსკოვს 150 000-ზე მეტი ჯარისკაცი ჰყავს იქ მობილიზებული. ამიტომ სრულიად შესაძლებელია შეჭრა;

– შეჭრის შემთხვევაში მოკავშირეებთან ერთად მზად ვართ მკაცრი სანქციების შემოღებისთვის (ეს შეეხება “ჩრდილოეთის ნაკად 2”-საც);

– უკრაინას ვეხმარებით იარაღით, სადაზვერვო ინფორმაციითა და წვრთნებით;

– ვაძლიერებთ ნატოს აღმოსავლეთის მიმართულებას და შეჭრის შემთხვევაში კიდევ უფრო გავზრდით ჩვენს იქ ყოფნას;

– ბოლომდე დავიცავთ ნატოს ყველა წევრი ქვეყნის ტერიტორიას;

– ეს არის ის ფასეულობები, რომელშიც ერთიანი ვართ დემოკრატებიც და რესპუბლიკელებიც.

P.S. მშვენიერი გამოსვლა იყო.

ყველაფერი ძალიან ნათლად, მოკლედ, მაგრამ მკაცრად კიდევ ერთხელ ჩამოაყალიბა. God bless America!”