“მწყემსის როლს ბიძინა ასრულებს, ძაღლებისას – “ოცნება” და ცხვრებისას – ოპოზიცია” – გამზარდია

ჟურნალისტი, არჩილ გამზარდია:

“ქართული ოცნება” არის თანმიმდევრულად გაიძვერა და იცის, რა მიზნისთვის, როგორ იმოქმედოს და დიახაც, იქ ნამდვილად არიან პოლიტიკური ტექნოლოგიების მცოდნე პირები (პოლიტიკოსს არ ვწერ რადგან პოლიტიკოსი თავის საზოგადოებრივ მნიშვნელობასაც აცნობიერებს), რომლებიც თავიანთ კერძო მიზნებს და პარტიულ ინტერესებს უქმნიან მდგრადობას.

აი, ოპოზიცია კი არათანმიმდევრულია, არც ოპოზიციის ნათელი ნაწილი და არც ოპოზიციის გაიძვერა ნაწილი, ზოგადად, ამოვარდნილია ოპოზიცია საერთო პოლიტიკური კონტექსტიდან, თითქოს იცის რა უნდა, მაგრამ ჯამში არც ეს იცის, კიდევ უფრო არ იცის, როგორ იმოქმედოს და როგორ მიაღწიოს ამ ამორფულ და ურთიერთწინააღმდეგობრივ მიზნებს.

კიდევ უფრო მეტად ოპოზიციას ანგრევს ის ქედმაღლობა, რომელიც ხელისუფლების წარმომადგენლებთან მიმართებაში გააჩნიათ და ეს არასწორია.

და ამ ქედმაღლობაში, გაიუძვერა, თუმცა, მმართველი ჯგუფი ოპოზიციას აპამპულავებს თავის ნებაზე, ისე, რომ ოპოზიცია კონტექსტს გარეშეცაა, დეზორიენტირებულიცაა და საერთოდ ვერ ხვდება, რა ჰქნას და როგორ ჰქნას.

მოკლედ, პატრონ-მწყემსის როლს ბიძინა ასრულებს, ძაღლების როლს “ქართული ოცნების” წევრები და ცხვრების როლს ოპოზიცია (ჩვენიანად ანუ ხალხიანად) – შესაბამისად, პატრონის დავალებით ძაღლები მოქმედებენ და ცხვრებსაც ისე ატრიალებენ, როგორც სურთ.”