“იქნებ ერთი ადგილი დააყენოთ!” – ლევან ნიკოლეიშვილი

ყოფილი ძალოვანი, ლევან ნიკოლეიშვილი:

“იქნებ ერთი ადგილი დააყენოთ!

თავიდანვე მინდა ბოდიში მოვუხადო იმათ ვისაც ეს ფრაზა არც ეხება და არც მიიღებს საკუთარ თავზე, მაგრამ აი, იმათ ვისაც ეხება აუცილებლად ასე უნდა მივმართო: იქნებ ერთი ადგილი დააყენოთ!

• ეს იმ ხალხს ეხება, ვინც არიქა უკრაინა-რუსეთის ომი იწყება და ჩვენ ან იარაღს რატომ არ ვაგზავნით, ან რუსეთს პირდაპირ არ ვაგინებთო!

• კი, ეს იმათ ეხება, ვინც ფიქრობს, რომ ბუშტების და დროშების ფრიალით ომის მოგება შეიძლება!

• აი, იმ ხალხს ვინც ფიქრობს ამ დიდ თამაშში, რაც რუსეთსა და დასავლეთს შორის უკრაინაში შეჭრის სახით განვითარდა, საქართველოს რუსეთისთვის ნიღაბი (აი, ის რომელიც „ნაცებმა“ „ჩამოხსნეს“), ახლა სახეზე უნდა შემოეხიათ!

• აი, იმ ოპოზიციას, რომელიც ფიქრობს რაც უფრო აურევს პოლიტიკურ ველს, უფრო მალე შეცვლიან ხელისუფლებას, რომელი ქვეყნის და ვექტორის სასარგებლოდ კი სულაც არ აინტერესებთ!

• სხვათა შორის იმ უცხოელებსაც ეხება, რომლებიც ვითომ და საქართველოში დემოკრატიის განმტკიცების სახელით, ხან ურეინტიგო არასამთავრობო ორგანიზაციებს, ხან რევოლუციონერ-რადიკალ პარტიებს უჭერენ მხარს და მათთან ერთ მაგიდაზე დასხდომას გვთავაზობენ!

ერთ-ერთი ვარიანტი ნამდვილად არსებობს, რომ უკრაინის „ფრონტზე“ სიტუაცია შეიძლება ამდაგვარად შეიცვალოს:

• რუსეთმა ჯარები დისლოკაციის ადგილზე დააბრუნოს;

• ლუგანსკისა და დონბასის დამოუკიდებლობა აღიაროს;

• ხოლო უკრაინის NATO-ში არ შესვლის გარანტიებიც მიიღოს;

ჰოო, და რა ხდება მერე? უკრაინასთან მიმართებაში არ ვკითხულობ, იმედია თვითონ მოძებნიან თავის ადგილს და გზას (ისე,სადაც და თუკი ვინმე ძებნილია საქართველოში ყველას შეიფარებს და ზოგსაც თანამდებობაზე დანიშნავს, მეგობრობა რას ნიშნავს, მინიმუმ ვერ ვგებულუბ, ჩვენში დარჩეს რასაკვირველია).

მე, ჩემი ქვეყანა და სამშობლო მადარდებს და მიზანშეწონილად მიმაჩნია, რომ:

• ჩვენმა სტრატეგიულმა პარტნიორებმა მტკიცე და ქმედითი გარანტია უნდა მოგვცეს უსაფრთხოებაზე და თავდაცვაზე;

• გვჭირდება ზუსტი საგზაო რუკა ჩვენი ევროატლანტიკური ინტეგრაციის შესახებ;

• ხელისუფლებამ კანონის ფარგლებში უმკაცრესი ზომები გაატაროს საქართველოში შესაძლო რევოლუციურ-რადიკალური ქმედებების წინააღმდეგ;

• გამოძიებულ უნდა იქნას სახელმწიფო ქონების უკანონოდ მიტაცების საკითხები (მაგალითად: ბელად სააკაშვილის დედის მილიონებით ქონება!);

• საქართველოს პარლამენტმა სასწრაფოდ უნდა განიხილოს საკანონმდებლო პაკეტი ცილისწამების შესახებ;

• საქართველოს პარლამენტმა სასწრაფოდ უნდა განიხილოს ე.წ. ამკრძალავი საკანონმდებლო პაკეტი მედია ფეიკების, ტყუილების, პანიკისა და დეზინფორმაციის გავრცელების შესახებ;

იმათ კი ვისაც ყავლი გაუვიდათ პოლიტიკაში (თან დიდი ხანია!), ვინ წლებია ვერც ერთ არჩევნებში ვერაფერს იგებს, თუ სხვა პარტიას არ ჩაუჯდა კალთაში, იმათ ვისაც ჰგონიათ ბუშტებით და დროშების ფრიალით რუსეთის შეშინება-დამარცხებაა შესაძლებელი, იმათ რომლებმაც დაამტკიცეთ, ბევრჯერ დაამტკიცეთ, რომ არც არაფერ და ვერც ვერაფერს წარმოადგენთ არც შინ და არც გარეთ, ხომ არ სჯობია ერთი ადგილი დააყენოთ ?”