“ვესტ ჰემისა” და საფრანგეთის ნაკრების 27 წლის მცველმა კურტ ზუმამ სახლში კატა აწვალა, რაც მისმა უმცროსმა ძმამ, იონ ზუმამ გადაიღო და სოციალურ ქსელში გაავრცელა. ამან მთელი ბრიტანეთი აღაშფოთა და ფეხბურთელის მკაცრად დასჯას ითხოვენ.
“ვესტ ჰემის” “უოტფორდთან” მატჩისას ზუმა წაიქცა და დაშავდა, მეტოქე გუნდის ფანებმა კი სიმღერა დაიწყეს: “კატას რომ სცემდი, როგორი იყო”.
ვიდეოს გავრცელების შემდეგ საქველმოქმედო ორგანიზაციამ “ცხოველეთა მიმართ სასტიკი მოპყრობის აღკვეთის სამეფო საზოგადოება” (RSPCA) ზუმას კატები ჩამოართვა და მომხდარის შესახებ ესექსის სამეფოს პოლიციას შეატყობინა.
“ორივე კატაზე ამჟამად ჩვენი ორგანიზაცია ზრუნავს”, – აღნიშნა RSPCA-ს წარმომადგენელმა.
როგორც BBC წერს, ვესტ ჰემ იუნაიტედში აცხადებენ, რომ მათ ზუმა დააჯარიმეს და ამ თანხას ცხოველების უფლებადამცველ საქველმოქმედო ფონდს გადაურიცხავენ.
“ჩვენ მას მაქსიმალური ოდენობის თანხა დავაკისრეთ, რაც შესაძლებელი იყო”, – აცხადებენ კლუბში.
ამასთან, სპორტულმა ბრენდმა, Adidas-მა 27 წლის ფეხბურთელთან თანამშრომლობის შეწყვეტის თაობაზე გაავცელა განცხადება.
“დავასრულეთ ჩვენი მოკვლევა და შეგვიძლია დავადასტუროთ, რომ კურტ ზუმას ჩვენთან აღარ ექნება კონტრაქტი”, – აცხადებენ კომპანიაში.
ფეხბურთელის საქციელის გამო არაერთი პრობლემა შეექმნა მის კლუბსაც – უესტ ჰემის სპონსორმა, Experience Kissimmee-მა ოთხშაბათს განაცხადა, რომ მომხდარის გამო, კულბთან საქმიან გარიგებას შეწყვეტს, რაც უკვე გააკეთა უესტ ჰემის კიდევ ერთმა სპონსორმა, Vitality-მ.
“ბიბისის” ცნობით, 150 000-ზე მეტმა ადამიანმა მოაწერა ხელი ონლაინ პეტიციას ზუმას წინააღმდეგ სამართლებრივი დევნის დაწყების მოთხოვნით.
კომენტარები