თბილისის საქალაქო სასამართლოში სახელმწიფო ბიუჯეტიდან 9 მილიონამდე ლარის გაფლანგვის საქმის განხილვა მიხეილ სააკაშვილის მხარდამჭერების აქციის ფონზე მიმდინარეობდა, თუმცა ადგილზე არ გამოჩენილა “ნაციონალური მოძრაობის” თავმჯდომარე ნიკა მელია. ამასთან დაკავშირებით გაჩენილ კითხვებს გიორგი ბარამიძემ უპასუხა. მისი თქმით,, „ნაციონალური მოძრაობა“ ნიკა მელიას თავმჯდომარეობიდან გადაყენებას არ აპირებს და პარტიის შიგნით დაპირისპირება არაა.
“ნამდვილად არ აპირებს პარტია ნიკა მელიას თავმჯდომარეობიდან გადაყენებას. ნაციონალური მოძრაობა ყოველთვის იყო სხვადასხვა აზრების, შეხედულებების მქონე ადამიანების ერთობა, რომელსაც აერთიანებს ის იდეა, რაზეც მიხეილ სააკაშვილმა დააფუძნა ჩვენი პარტია, ეს არის ძლიერი, დემოკრატიული, ქართული, მაშასადამე ევროპული სახელმწიფო, ეს არის იდეა რომლის გარშემო ვართ ყველანი შემოკრებილი. ადრეც ვკამათობდით, დღესაც და მომავალშიც ვიკამათებთ ,“- განაცხადა გიორგი ბარამიძემ.
კომენტარები