სოსო ჯაჭვლიანის სკანდალური განცხადება, რომელიც ხელისუფლების მხრიდან მის უკანონო თვალთვალს ეხება, ოპოზიციაში არ გაკვირვებიათ. “ნაციონალური მოძრაობის” წევრი, გიორგი ბოტკოველის თქმით, როდესაც ბიძინა ივანიშვილის საკუთარ თანაგუნდელებს ასე იმეტებს, ადვილად წარმოსადეგია რა მეთოდებით ებრძვის ის ოპონენტებს.
გასაკვირი ნამდვილად არაფერი ყოფილა ბიძინა ივანიშვილის მმართველობის ხელში. მისი სტილი რომ ასეთია და ასე მართავს თუნდაც საკუთარი გუნდის წევრებს, ეს გასაკვირი არ ყოფილა. ალბათ “ქართული ოცნების” ზოგიერთმა წევრმა საკუთარი თავიც ამოიცნო გუშინდელ ისტორიაში. წარმოგიდგენიათ ის რას უზამს საკუთარ ოპონენტს? როგორი მეთოდებით იბრძვის ის ოპონენტების წინააღმდეგ?, – თქვა ბოტკოველმა.
“ქართული ოცნების” ყოფილა დეპუტატმა, სოსო ჯაჭვლიანმა გადაცემა “რეაქციაში” განაცხადა, რომ ხელისუფლება მას საკუთარ საძინებელში ორი წლის განმავლობაში უთვალთვალებდა.
კომენტარები