პოლიტოლოგი, ლევან ლორთქიფანიძე ლევან ზურაბიშვილისათვის 7 წლიანი სასჯელის შეფარდებას ეხმაურება და წერს:
“ვულოცავ ქართველ მწერლებს, პოეტებს, რეჟისორებს, მომღერლებსა და მსახიობებს, ულტრაინტელექტუალებად წოდებულ იდიოტებს, დეპუტატებსა და ანალიტიკოსებს, რომლებიც ლევან ზურაბაშვილის სასტიკად დასჯას, ეშაფოტზე აყვანას ითხოვდნენ!
კაზინოებისა და ბანკებისგან გაუბედურებული უმუშევარი კაცი, რომელიც სათამაშო პისტოლეტით ხელში შეიჭრა ერთ-ერთი მიკროსაფინანსო ორგანიზაციის უბადრუკ ოფისში , 7 წლით გამოამწყვდიეს ციხეში.
არ უნდა გამოგვრჩეს! ლევან ზურაბაშვილის ჩაქოლვის მოთხოვნით აღგზნებული საჯარო “მოღვაწეები” სააკაშვილს უდანაშაულოს უწოდებენ და მის გათავისუფლებას ითხოვენ!
ასეთია ჩვენი საზოგადოების კულტურა და სტანდარტი:
გავლენიანს, მდიდარს, ძალაუფლების მქონეს, ცნობილს იცავენ და ადამიანების ცემას, წამებას, მილიონების მოპარვას პატიობენ ! გარიყულს, ღარიბს, სუსტს, უცნობს კი ბოლომდე სრესენ …
და ხელისუფლება როგორი გვყავს ??? არაფრის თავი არ აქვს! მხოლოდ ლევან ზურაბაშვილისნაირების დასჯა შეუძლია, ადეიშვილს გამწარებულმა ადამიანებმა ევროპის დედაქალაქებში უნდა სდიონ ქუჩა-ქუჩა, კეზერაშვილმა ომის, ჯარისჯაცთა სისხლისღვრის შემდეგ ნაშოვნი ფულით აქ უნდა აფინანსოს პოლიტიკური ცხოვრება. ზუგდიდში ასობით ათასის გამტაცებელი ესებუა კაცმა არ იცის, სად წავიდა…
სასწრაფოდ უნდა მოვითხოვოთ ლევან ზურაბაშვილის შეწყალება!”
ცნობისათვის, “ზურაბაშვილი სათამაშო ხელყუმბარით თბილისში წერეთლის გამზირზე მდებარე მიკროსაფინანსო ორგანიზაცია „ემ–ბი-სის“ ოფისში 2020 წლის 20 ნოემბერს შეიჭრა და რამდენიმე ადამიანი მძევლად აიყვანა. მისი მიზანი პოლიტიკური მოთხოვნების გაჟღერება იყო, შეჭრის შედეგად არავინ დაშავებულა.
კომენტარები