მიხეილ სააკაშვილის ჯანმრთელობის მდგომარეობა მძიმეა და თუ ექიმები მის სანახავად არ შევლენ, მის ჯანმრთელობაზე სრული პასუხისმგებლობა სახელმწიფოს დაეკისრება – ეს განცხადება გრიგოლ ვაშაძემ გააკეთა, რომელმაც მიხეილ სააკაშვილი რუსთავის ციხეში მოინახულა.
“რადიკალური განსხვავებაა პრეზიდენტის ჯანმრთელობაში პირველად რომ შევედი ციხეში და ახლა რომ შევედი. აბსოლუტურად ეტყობა უკვე, რომ ძალიან სერიოზული ჯანმრთელობის პრობლემები აქვს. ამას სასწრაფო მიხედვა სჭირდება. ექიმების შეშვებაა საჭირო ექიმები უნდა შევიდნენ, მკურნალობის შეცვლაა საჭირო – მკურნალობა უნდა შეცვალონ, რაღაცა სპეციალური აპარატურაა საჭირო, ესეც უნდა იყოს გამოყოფილი. ვიმეორებ, რადიკალური განსხვავებაა იმ მიხეილ სააკაშვილს შორის, რომელიც მე ციხეში პირველად რომ შევედი მაშინ ვნახე და ახლა. მე კიდევ შევალ ალბათ სადღაც თებერვლის შუისკენ და იმედი მაქვს, რომ მანამდე ხელისუფლება მიიღებს შესაბამის ზომებს, რომ ეს მდგომარეობა კიდევ არ უნდა გართულდეს და საერთოდ, არავის უნდა დაავიწყდეს ის, რომ ადამიანი, მიუხედავად მისი მდგომარეობისა და მისი თანამდებობისა, უბრალო მოქალაქეა თუ ქვეყნის ყოფილი პრეზიდენტი, ციხეში ყოფნისას სახელმწიფოს ზრუნვის საგანი უნდა იყოს. რაც შეეხება საუბრის თემას, მე ნებართვა არ მაქვს პრეზიდენტისგან რომ ყველაფერზე ვისაუბრო, მაგრამ ლომის წილი საუბრისა, ეს იყო საგარეო პოლიტიკაზე და რა თქმა უნდა, ვისაუბრეთ ასევე იმაზე, სად არის დღეს საქართველო და რა მდგომარეობაში ვართ”, – განაცხადა გრიგოლ ვაშაძემ
კომენტარები