“ნაცმოძრაობა“ პრაქტიკულად სააკაშვილის მძევლად იქცა ამ ფანტაზიებით, რომ იგი რევოლუციური ტალღით იქნება საკნიდან გათავისუფლებული,” – ასე შეაფასა პარლამენტის პირველმა ვიცე-სპიკერმა გია ვოლსკიმ „ნაციონალური მოძრაობის“ თავმჯდომარის ნიკა მელიას საუბარი მხარდამჭერებთან, რომელიც ტელეკომპანია “იმედმა” გაავრცელა.
“ნიკა მელია კატეგორიულად აცხადებდა, რომ იგი სააკაშვილის ადგილზე რომ იყოს, აუცილებლად ჩამოვიდოდა და სათავეში ჩაუდგებოდა ამ მოძრაობას, რომ კატეგორიულად მიუღებელი იყო სააკაშვილის უკრაინაში ყოფნა. რასაკვირველია, ახლა შედეგებიდან გამომდინარე საუბრობს და უნდა, თავი უფრო ბრძენად წარმოაჩინოს, მაგალითად, ვიდრე ნაყოფიაა. საერთოდ, „ნაციონალური მოძრაობა“ ორი ლიდერის ხელში დარჩა და ერთი ბელადის შემყურე.
ვფიქრობ, მაინც სააკაშვილის შეკვეთაა მთავარი. „ნაცმოძრაობა“ პრაქტიკულად სააკაშვილის მძევლად იქცა ამ ფანტაზიებით, რომ იგი რევოლუციური ტალღით იქნება საკნიდან გათავისუფლებული“,-განაცხადა ვოლსკიმ.
ცნობისთვის, “იმედის” მიერ გავრცელებულ ვიდეომასალაში “ნაცმოძრაობის” თავმჯდომარე მხარდამჭერებთან საუბრისას ამბობს, რომ მიხეილ სააკაშვილის საქართველოში ჩამოსვლამ პარტიის გეგმები არია.
“იმედის” რეპორტაჟს სოციალურ ქსელში გამოეხმაურა ნიკა მელია.
კომენტარები