“ამის ნიშანი იყო პოლონეთის პრეზიდენტის ვიზიტი, პოლონეთის საგარეო საქმეთა მინისტრი ამ მომენტისთვის ვაშინგტონშია – ეს შემთხვევით არ ხდება” – ბატიაშვილი

აღმოსავლეთმცოდნე, რონდელის ფონდის მკვლევარი, ზურაბ ბატიაშვილი:

“პრობლემას ხომ ვერ დაემალები? სადღაც უნდა იყო, ხო? ამის ნიშანი იყო პოლონეთის პრეზიდენტის ვიზიტი, დარწმუნებული ვარ, ბრიტანეთი-პოლონეთი-უკრაინის ფორმატზეც იყო საუბარი. გასაგებია, რომ უკრაინის ხელისუფლებაში ახლა ასეთი ვიზიტებისთვის არავის სცალია, არც ბრიტანეთს სცალია და პოლონეთია ამ მხრივ ძალზე აქტიური. პარალელურად, პოლონეთის საგარეო საქმეთა მინისტრი ამ მომენტისთვის ვაშინგტონშია – ეს შემთხვევით არ ხდება.

პოლონელებმა ყველაზე კარგად იციან, რას ნიშნავს, ხალხის განწყობა როდესაც არ ემთხვევა ხელისუფლების განწყობას, ისტორიიდან გამომდინარე და კარგად ესმით რუსეთთან ურთიერთობა რა არის. მას არ აქვს ილუზია, რომ სალომე რამეს გადაწყვეტს, ან პრემიერი რამეს გადაწყვეტს. ის ჩამოვიდა იმისთვის, რომ ეს სიგნალი მოიტანოს საქართველოში, რომ კარი ღიაა და ამავე დროს მოსინჯოს, რაღაც პასუხის მსგავსი მიიღოს.

სალომესგან პასუხს ვერ მიიღებდა, მას არც იურიდიულად და არც პოლიტიკურად არაფერს ეკითხება ოცნება, არც პრემიერი წყვეტს არაფერს, იმ ერთ ადამიანთან მივიდოდა სიგნილი, პოლონეთის პრეზიდენტი ვერ ჩამოვიდოდა და ვერ შეხვდებოდა ბიძინას, ძალზე მოკლედ რომ ვთქვათ, ეს არის ამის შინაარსი. ამოვარდნილი ვერ იქნები ამ პროცესებიდან, მაინც შეგეხება და სად ხარ ამ მომენტისთვის? ეს ცალმხრივი ფორმატი, ღიად იყო ნათქვამი, რომ შავ ზღვასაც ეხება და რა ხდება შავ ზღვაში? – თურქეთის პრეზიდნეტი გუშინ იყო კიევში, მხარდაჭერა გამოუცხადა, სად არის საქართველო? სად ვართ და ჩირგვებში ვართ და გვგონია, რომ კარგად დავიმალებით. ფიზიკურად ვერ დაიმალები, ხომ ვერ აორთქლდები, აქ ხარ. რაღაც შენი პოზიცია უნდა დიაკავო.”