“თურქეთის პრეზიდენტის ისტორიული ვიზიტი ცხადყოფს, თუ ვინ არის უკრაინის მეგობარი და ვის სურს ჩვენი დახმარება” – ასე შეაფასა რეჯეფ ტაიფ ერდოღანის კიევში მხარდასაჭერად ჩასვლა უკრაინის პრეზიდენტმა, ვოლოდიმირ ზელენსკიმ.
უკრაინისა და თურქეთის პრეზიდენტების შეხვედრის ერთ-ერთი მთავარი თემა უსაფრთხოება და მშვიდობა იყო.
“ჩვენ ვაგრძელებთ უკრაინის ტერიტორიული მთლიანობისა და სუვერენიტეტის მხარდაჭერას, ყირიმის ჩათვლით”, – განაცხადა ერდოღანმა.
პირველმა პირებმა ქვეყნებს შორის თანამშრომლობაზე, სტრატეგიულ პარტნიორობასა და ახალ სავაჭრო შეთანხმებაზეც ისაუბრეს.
შეხვედრის შემდეგ პრეზიდენტებმა პრესკონფერენცია გამართეს, რომელზეც ერდოღანმა უკრაინის ტერიტორიულ მთლიანობას და სუვერენიტეტს მხარი კიდევ ერთხელ დაუჭირა. როგორც თურქეთის პრეზიდენტმა აღნიშნა, ის მზად არის, უკრაინასა და რუსეთს შორის შუამავლის როლი იკისროს.
კომენტარები