ბელარუსი უკრაინას საზღვრის დარღვევაში ადანაშაულებს, კერძოდ მინსკში ამბობენ, რომ უკრაინულმა უპილოტო საფრენმა აპარატმა საზღვარი უკანონოდ გადაკვეთა. საგარეო საქმეთა სამინისტროში უკრაინის ელჩი უკვე გამოიძახეს. სამინისტროში ამბობენ, რომ საფრენი აპარატი ბელარუსის საჰაერო სივრცეში 24 იანვარს დაფიქსირდა, რის გამოც იძულებით დასვეს.
“ბორტის აპარატის ანალიზის საფუძველზე დანამდვილებით დადგენილია, რომ იგი გაშვებული იყო უკრაინის ტერიტორიიდან “ბრესტკის” სამხედრო პოლიგონზე უკანონო სადაზვერვო საქმიანობის განხორციელების მიზნით. უკრაინულ მხარეს ეცნობა, რომ ამ არამეგობრული ნაბიჯებით იგი მიზანმიმართულად იწვევს რეგიონში სიტუაციის ესკალაციას, რაც ხელს არ უწყობს ცივილიზებულ ორმხრივ დიალოგს”, – ნათქვამია განცხადებაში.
ბრალდებას ტვიტერით პასუხობს უკრაინის საგარეო საქმეთა სამინისტროს სპიკერი, ოლეგ ნიკოლენკო და ბელარუსს პროვოკაციაში ადანაშაულებს. ის უარყოფს დრონების მიერ საზღვრის დარღვევის ფაქტს.
ბელარუსი მინსკს მოუწოდებს: “არ ჩაერიოთ რუსეთის რუსეთის დესტაბილიზაციისკენ მიმართულ ქმედებებში. ბელარუსის და უკრაინის საზღვარზე მშვიდობა მთელი რეგიონის ინტერესშია” – წერს ის.
კომენტარები