“ენმ”-ს, “დროასა” და “ლელოს” ლიდერები კიევში არიან – ქართული ოპოზიციური სპექტრი ომის ზღვარზე მყოფ უკრაინას თანადგომას უცხადებს. ენმ-ს პოლიტსაბჭოს თავმჯდომარის, კობა ნაყოფიას თქმით, უკრაინაში ვერ მალავენ შეწუხებას, რომ ასეთი სუსტი რეზოლუცია იქნა წარდგენილი ქართული ოცნების მხრიდან.
” კარგად ესმით, რომ ქართველი ხალხი არის უკრაინის გვერდით, თუმცა სანამ ამ რეზოლუციას მიიღებდნენ, უკვე პროექტის შესახებ ჰქონდათ ინფორმაცია. დამისვეს კითხვები და ვერ მალავდნენ შეწუხებას, რომ ასეთი სუსტი რეზოლუცია იქნა წარდგენილი ქართული ოცნების მხრიდან პარლამენტში განსახილველად.
მე მქონდა კომუნიკაცია რამდენიმე პოლიტიკოსთან, ჩემს მეგობრებთან, ბიზნესის წარმომადგენლებთან, ისინი ელოდებოდნენ უფრო მეტ მხარდაჭერას, ელოდებოდნენ უფრო მეტ სოლიდარობას” განაცხადა კობა ნაყოფიამ “მთავარი არხის” ეთერში, გადაცემა “დღის სტუმარში” საუბრისას“ – განაცხადა ნაყოფიამ.
კომენტარები