შვედეთი უკრაინას სამხრეთ და აღმოსავლეთ ნაწილის გასაძლიერებლად, ეკონომიკური განვითარებისა და პოლიტიკური დიალოგისთვის 50 მილიონ შვედურ კრონას, ანუ 5,4 მილიონ დოლარს გადასცემს.
თანხა უკრაინისთვის შექმნილ გაერთიანებული სამეფოს, შვეიცარიისა და აშშ-ის საპარტნიორო ფონდში ჩაირიცხება.
“ეს ფონდი აპირებს წვლილი შეიტანოს უკრაინის გაძლიერებაში. მას შეეძლება სწრაფად და მოქნილად უპასუხოს იმ საჭიროებებს, რომლებიც 2014 წლის შემდეგ რუსეთის აგრესიის შედეგად აქვს”, — თქვა შვედეთის საგარეო საქმეთა მინისტრმა, ენ ლინდემ
ეს თანხა დაემატება 240 მილიონ კრონს, რომელსაც უკრაინა ყოველწლიურად იღებს შვედეთისგან სამოქალაქო საზოგადოების რეფორმისთვის.
უკრაინის საზღვრებთან სიტუაცია უფრო და უფრო იძაბება. 26 იანვარს რუსეთმა ბელარუსში სამხედრო ძალები განათავსა, რითიც უკრაინის ჩრდილოეთით შეიქმნა ახალი სავარაუდო ფრონტი თავდასხმისთვის. ამის ფონზე რუსეთი ამტკიცებს, რომ უკრაინაში შეჭრას არ გეგმავს, ამავდროულად კი დასავლეთი მკაცრი ეკონომიკური სანქციებით იმუქრება. ბოლო ინფორმაციით, რუსეთს უკრაინის საზღვრებთან 100 ათასამდე სამხედრო ჰყავს მობილიზებული.
კომენტარები