თბილისსა და საქართველოს სხვა ქალაქებში, უკრაინის მხარდასაჭერად აქცია პერფორმანსი გაიმართა. ინიციატივა პარტია “დროას” ეკუთვნის. მოქალაქეებს შესაძლებლობა ჰქონდათ, უკრაინის დროშაზე ხელმოწერით გამოეხატათ ქვეყნის მიმართ მხარდაჭერა. “დროას” წევრებმა უკრაინის მხარდამჭერი პერფორმანსი ზუგდიდშიც გამართეს. მარიამ სიჭინავა წერს, რომ “ქართული ოცნების” მხრიდან დროშაზე ხელის მოსაწერად არავინ მისულა, ამიტომ აქტივისტები მერიის შენობათან თვითონ მივიდნენ.
“ძალიან კომიკურ სიტუაციაში ჩაიგდო ქართულმა ოცნებამ თავი. მათგან არცერთი წარმომადგენელი არ მოსულა დროშაზე ხელის მოსაწერად. რადგან ისინი არ მოვდინენ, თან საჯარო მოხელეებსაც აუკრძალეს მოსვლა, გადავწყვიტეთ ჩვენ მივსულიყავით მერიაში და კიდევ ერთხელ, გვეთხოვა მოეწერათ ხელი.
სხვადასხვა პასუხები მივიღეთ, მათ შორის ერთ-ერთი აიპის ხელმძღვანელმა მითხრა, რომ არ იცოდა მის ხელმოწერას სად წავიღებდი. კიდევ ერთხელ დამტკიცდა, თუ რატომ არ არის რეზოლუციაში რუსეთი ნახსენები.
რაც შეეხება გახარიას პარტიას, აქამდეც ვიცოდი რომ რუსული პროექტი იყო”, – წერს მარიამ სიჭინავა.
შეგახსენებთ, პარტია “დროას”წარმომადგენლები დღეს უკრაინაში სამუშაო ვიზიტით გაემგზავრებიან. შეხვედრებია დაგეგმილი რადას დეპუტატებთან, ჟურნალისტებთან და იქ მცხოვრებ ქართველებთან.
კომენტარები