საკრებულოს ოპოზიციონერი წევრი ირაკლი ღარიბაშვილის მეზობლობას ითხოვს – ზვიად კუპრავას მიწა ბაკურიანში 49 წლის ვადით და ნახევარი ჰექტარი უნდა, ზუსტად იმ პირობებით, როგორც ეს პრემიერ ღარიბაშვილის შემთხვევაში მოხდა.
„ირაკლი ღარიბაშვილმა აბსოლუტურად უკანონოდ გადაიფორმა ნახევარი ჰექტარი ტყე. სოფლის მეურნეობის მინისტრი გამოვიდა და პრემიერის “გასაპრავებლად” თქვა, რომ აქ არაფერი კანონდარღვევა არ არის და თურმე ნებისმიერ ადამიანს შეუძლია მიმართოს და მიიღოს ტყის ის რაოდენობა, რაც გადაეცა პრემიერის ცოლს. მეც მოვიტანე განცხადება და ირაკლი ღარიბაშვილის მეზობლად ვითხოვ იმ რაოდენობის მიწას, რაც გადაეცა ღარიბაშვილის ცოლს.
თუ ეს კორუფციის ნაწილი არ იყო და ტყის გადაცემის საფუძველი ღარიბაშვილის პრემიერობა არ ყოფილა, ველოდები უსწრაფესად გადმომცენ მიწის ნაკვეთი”- აცხადებს კუპრავა.
კომენტარები