ამ წუთებში საქართველოს 4 ქალაქში მოქალაქეები გაძვირებულ ცხოვრებას აპროტესტებენ. აქცია ერთდროულად თბილისში, ქუთაისში, ფოთსა და ქობულეთში იმართება, რასაც ანალიტიკოსი ამირან სალუქვაძე სოციალურ ქსელში ეხმიანება და აღნიშნავს, რომ ფასებს თავისუფალი ბაზარი არეგულირებს. თან კახა ბენდუქიძის იდეოლოგიას აღმერთებდე და თან ფასებს აპროტესტებდე, სასაცილოა – აღნიშნავს სალუქვაძე.
„ნაციონალური მოძრაობა დღეს რამდენიმე ქალაქში ფასებს გააპროტესტებს.
ვის მოსწონს მაღალი ფასები, მაგრამ თქვენგან გაპროტესტება ძალიან სასაცილოა. ესაო, ისაო, თავისუფალი ბაზრის მომხრენი ვართო.მეც მინდა ხორცი იმდენივე ღირდეს, რაც 2003-ში ღირდა (4,50ლ), მაგრამ ხუთმაგად გააძვირეთ 2011-ში და თქვენ ხმა არ ამოგეღებათ. თქვენ შექმენით ფარმაცევტული და ყველანაირი მონოპოლიები. ვისი პირადი ბიზნესი იყო ხორცის სფეროს მონოპოლიზება და სასაკლაოები, ყველამ ვიცით.თან კახა ბენდუქიძის იდეოლოგიას აღმერთებდე და თან ფასებს აპროტესტებდე, სასაცილოა. ნათელაშვილი მაინც გამოგეყვანათ, შრომის პარტიაა, თუმცა ისიც სახელად.ნებისმიერი პარტიის პროტესტს მივიღებ, მოქმედი და ყოფილი ნაცმოძრაობის გარდა.ამიტომ ვწერ წლებია, რომ არ გვყავს იდეოლოგიებზე და ღირებულებებზე დაფუძნებული პარტიები. სახელებს “ბლატნოი” ნომრებივით იწებებთ.ფასებს რაც შეეხება, იმედი მაქვს გაზაფხულიდან წამლების ფასებს დაეტყობა თურქული ბაზრის გახსნა. ასევე ლარის გამყარების კარგი ტენდენციაა, დღეს კიდევ გამყარდა, რამაც ასევე ასახვა უნდა ჰპოვოს ფასებზე. თუმცა, ჩვენი იმპორტიორები გამონახავენ მიზეზებს.იქნებ კოლეგებმა დადოთ კარგი კვლევები სურსათის კონკრეტულ სახეობებზე, რა ღირს იმ ქვეყანაში, საიდანაც შემიგვაქვს (მაგ. ზეთი, წიწიბირა, ვერმიშელი და ა.შ.), რა ხარჯები ემატება დახლამდე. ეს მოგვცემს სურათს. ამის შემდეგ, ჩვენ გავაპროტესტებთ, სადაც მაიმუნობას ექნება ადგილი.სხვათაშორის სასუქზე მსოფლიო ბაზარზე საკმაოდ გაიზარდა ფასები. გაიზარდა ჩვენთანაც. ეს შემდეგ აისახება სოფლის მეურნეობაზე. ეს ახლაა სასაუბრო. ექსპორტიორები არიან რუსეთი, მგონი ბელარუსიც. ჩვენთან აზოტი რუსეთს მივყიდეთ, ხომ? ვინც მიჰყიდათ, ახლა აქციებს მართავს.ჰოდა, ორი დღე სულ ტყუილად რეზოლუციაზე რომ იძიძგილავეთ, ამ თემებზე ისაუბრეთ პარლამენტში, შესაბამის კომიტეტებში. არავის აინტერესებს სააკაშვილის დასანახად მოწყობილი პოპულისტური აქციები. ყველამ კარგად იცის, რომ თქვენ ადამიანთა ბედი არ გადარდებთ.P.S. 1. სამადაშვილი ლელოში გადავიდა. ქვეყანა უნდა გადავარჩინოთო.2. სააკაშვილი მემუარებში, თურმე, ჟვანიას აკრიტიკებს, ბადრი აფინანსებდაო, ბარიერი ვერ გადალახაო. ეს თემა ცალკეა გასაანალიზებელი. აბა რევოლუცია რა საბაბაბით მოაწყვეთ, თუ ამან ვერ გადალახა, იმან ვერ გადალახა, ეგზითფოლები თუ თქვენ დამალეთ?“ – წერს ამირან სალუქვაძე.
კომენტარები