თანასწორობის მოძრაობის წევრი, დავით კახაბერი:
“რამდენიმე წუთის წინ აღმოჩნდა, რომ მე და ჩემს ერთ-ერთ ფრენდს ერთი და იგივე სკოლა 51 public school დაგვიმთავრებია.
ასეთი აღმოჩენების დროს ძალიან ბევრი “ფლეშბექი” და მოგონება ტივტივდება ხოლმე და თითოეული მათგანი მხოლოდ იმას მახსენებს, თუ როგორ მძულდა ეს სკოლა.
დღემდე მძულს ჩემი მათემატიკის მასწავლებელი დიანა (გვარი აღარ მახსოვს), რომელმაც ჩემს ცხოვრებაში ალბათ ყველაზე დიდი ტრავმა მომაყენა, როდესაც ერთ დღეს მათემატიკის გაკვეთილის ნაცვლად მამათმავლობის საფრთხეებზე ლაპარაკი გადაწყვიტა და მთელი კლასის თანდასწრებით თვალებში მიყურებდა და ისე ქადაგებდა.
გამახსენდა როგორ მძულდა ჩემი ყოფილი დამრიგებელი რუსიკო, რომელიც ახლა საბუნებისმეტყველო საგნების რაღაცის კონსულტანტია და ნათლისღებას ულოცავს ხალხს საჯაროდ. ადამიანი, რომელმაც მე-6 კლასში ყოფნისას დედაჩემი დაიბარა და უთხრა რომ ფსიქიკურად ავად ვარ (ჩემი ფემინურობა იყო ამბავი) და ურჩია ექიმთან წავეყვანე.
მძულდა ფიზკულტურის მასწავლებელი გოგა, რომელმაც ქართულის გაკვეთილზე შემიყვანა და გამოაცხადა, რომ ქალთან სექსისას ვერაფერს გავხდებოდი და ამაზე გულიანად იცინა ქართულის მასწავლებელმა ფატიმ.
სხვა მრავალს აღარ გავიხსენებ, რადგან თითქოს მაინც გადამუშავებული ტრავმებია, მაგრამ ყოველი ასეთი მცირე ტირგერით მაინც მახსენდება რა ჯოჯოხეთში გავატარე მთელი ბავშვობა. ერთი კარგი მოგონებაც კი არ შემრჩა ამ ჯოჯოხეთიდან.
ეს არ იყო ბნელი 90-იანებისა და “სხვანაირი მენტალიტეტის” ამბავი. ჩემი აზრით, ეს ადამიანები უბრალოდ ბოროტები იყვნენ და ალბათ დღემდე ასეთები არიან.
ამ ჯოჯოხეთის ერთადერთი დამსახურება კი ალბათ ის იყო, რომ იმდენად ვცდილობდი იქიდან გამოღწევას, რომ ადრეულ ასაკშივე გავიჩინე მეგობრები, რომლებისთვისაც თანასწორობა და სხვა ადამიანური ღირებულებები ფასეული იყო.
მე გამიმართლა და ჩემი მშობლებისა და მეგობრების მხარდაჭერით ამ ჯოჯოხეთს გადავურჩი, მაგრამ წარმომიდგენია რამდენი ბავშვი შეეწირა ასეთ ბოროტებებს. როგორ შთანთქმა ამ ჯოჯოხეთმა მათი პიროვნებები და როგორ გაუმწარა ცხოვრება.
ხოდა, საბოლოოდ იმის თქმა მინდა, რომ არსებობენ ბოროტი ადამიანები, რომლებიც იმიტომ კი არ ძალადობენ სხვებზე, რომ რაღაცის კომპენსირებას ახდენენ, არამედ იმიტომ რომ უბრალოდ შეუძლიათ და სიამოვნებთ.”
