პარტია “საქართველოსთვის” პოლიტსაბჭოს წევრი, ნათია მეზვრიშვილი, “ტვ პირველთან” ამბობს:
“აღმაშფოთებელია, როგორ უდგება პრობლემებს ხელისუფლება, სისტემურად უნდა მიუდგე და არა კომუნისტური გადაწყვეტილებებით. რამდენი პრობლემაა დღეს ქვეყანაში, დაწყებული კოვიდის უამართაობით, დამთავრებული სოციალურ-ეკონომიკური პრობლემებით. ყოველდღიურად 117 ადამიანი კარგავს სამსახურს, ეს ადამიანები შემოსავლის გარეშე რჩებიან, 277 ადამიანი ყოველდღიურად, საშუალოდ, ემიგრაციაში მიდის, შემწეობის მიმღებთა რიცხვი იზრდება, ინფლაციის მაჩვენებელი რეკორდულად მაღალია ბოლო ათი წლის განმავლობაში, გაზრდილი ფასები, კომუნალური გადასახადები, რომლებიც გაიზარდა, აღარაფერს ვამბობ ინვესტიციებზე, რომლის მაჩვენებელი შემცირებულია…
კოვიდს მინდა შევეხო – 14 500 გარდაცვალების შემთხვევა, უამრავი სიტუაცია და დამალული ხელისუფლება. არ მახსენდება ბოლოს როდის გამოვიდა ბატონი პრემიერ-მინისტრი, რომელიც ხელმძღვანელობს უწყებათაშორის საბჭოს, ძალიან მარტივია ასე პასუხისმგებლობის გადატანა, ეპიდემიოლოგებზე, ექიმებზე. ვერ მართეს და ვერ მართავენ… შეატოვეს ეპიდემიოლოგებს… ვერ მართეს. გახარიამ მართა, გახარია რომ იყო, განა მართეს, გახარიამ მართა, გახარია უსმენდა ეპიდემიოლოგებს პროფესიონალებს, ეს ადამიანები აღარ უსმენენ პროფესიონალებს, იღებენ პოპულისტურ გადაწყვეტილებებს. მე ძალიან ვწუხვარ, რა მდგომარეობაშიც ვხედავ სამედიცინო სფეროს წარმომადგენლებს, ამ ადამიანების მხრებზე გადადის ეს ყველაფერი. საზღვრები გახსნეს, არ ვარ საზღვრების გახსნის წინააღმდეგი, მაგრამ გახსნეს ალოგიკურად, მათ შორის, წითელი ზოლუის ქვეყნებთან, ყველა ფილტრი მოხსნეს, დისტანციური მუშაობა აღადგინეს საჯარო, კერძო სექტორში, პირბადის ტარების უწყინარი რეგულაცია მოხსნეს, მერე მიხვდნენ რომ სისულელე იყო და აღადგინეს და ასეთი უამრავი. ვაქცინაციის ეფექტიანი კამპანიოა არ უწარმოებიათ, აღარაფერს ვლაპარაკობ მწვანე პასპორტების გაცემის წინაპირობაზე, კოვიდგადატანილებზე ამ პასპორტების უვადოდ მიცემა, როცა რეინფიცირების მაღალი მაჩვენებელია ქვეყანაში. ხელისუფლება არის დამალული, თუ გამოდიან და რამეს ამბობენ, მხოლოდ და მხოლოდ ტყუილებს.”
კომენტარები