კიევის სასამართლომ ექსპრეზიდენტს, პეტრო პოროშენკოს აღკვეთის ღონისძიებად პირადი ვალდებულება შეურჩია. ის სასამართლო დარბაზიდან გათავისუფლდა. აღნიშნული გადაწყვეტილება მოსამართლე ალექსეი სოკოლოვმა ცოტა ხნის წინ მიიღო.
ბრალდების მხარეს აღმკვეთ ღონისძიებად დაკავების შეფარდება სურდა, ერთი მილიარდი გრივნის ოდენობის გირაოს გადახდის ალტერნატივით. პროკურორების თქმით, პოროშენკომ შესაძლოა ზეწოლა მოახდინოს მოწმეებზე, ხელი შეუშალოს გამოძიებას და დაფაროს მტკიცებულებები.
თავად პოროშენკო Ukrayinska Pravda-სთან საუბარში თქვა:
“ეს არის ჩემი პოლიტიკური საქმიანობისთვის ხელის შეშლა, როგორც ქვეყნის შიგნით, ასევე ქვეყნის გარეთ”
პირადი ვალდებულება გულისხმობს ბრალდებულის ან ეჭვმიტანილზე მიერ გამომძიებელი მოსამართლის ან სასამართლოს მიერ დაკისრებული ვალდებულებების შესრულებას, რაც გათვალისწინებულია უკრაინის სისხლის სამართლის პროცესუალური კოდექსის 194-ე მუხლით. უკრაინული მედია Hromadske აღნიშნავს, რომ ეს აღმკვეთი ღონისძიების ყველაზე მსუბუქი ზომაა.
გამოძიება პოროშენკოს წინააღმდეგ ტერორიზმის დაფინანსების, სახელმწიფო ღალატის და ტერორისტული ორგანიზაციის შექმნის მუხლებით მიმდინარეობს. საქმე ეხება ოკუპირებული დონეცკისა და ლუგანსკის ტერიტორიებიდან ქვანახშირის არალეგალურ გატანას.
უკრაინის ყოფილი პრეზიდენტი სამშობლოში 17 იანვარს ჩაფრინდა.
კომენტარები