“თავი მოიკლა ადამიანმა და ახლა გამოენთო პოლიტიკური სპექტრი და თურმე, ყველას როგორ გული ტკივა” – ჯაფარიძე

პოლიტიკოსი, ზურაბ ჯაფარიძე, მედიასთან ამბობს:

“ზედაპირულად ხდება რაღაცეების გაშუქება და ხდება მაშინ, როდესაც რაღაცა მოხდება, დევნილების თემა – თავი მოიკლა ადამიანმა და ახლა უცებ გამოენთო მთელი პოლიტიკური სპექტრი და თურმე, ყველა როგორ ზრუნავს დევნილებზე და ყველას როგორ გული ტკივა. დევნილების პრობლემის მოგვარებას, რომ დავთვალე 2013 წელში, სულ სჭირდებოდა 800 მილიონი ლარი, რაც დღევანდელი ბიუჯეტისთვის არაფერია, რამდენიმე წელზე რომ გადაათამაშო, და ყველანი შეიძლებოდა დაგეკმაყოფილებია, მაგითი მორჩებოდა ეგ ამბავი, თუ ჩაკეტავდი მაგ სისტემას. არ გაკეთდა. მაგაზე ხომ არ არის საუბარი, არც არასოდესაა საუბარი, თუ ვიღაცამ თავი არ მოიკლა.”