“წარმოუდგენელია შშმ პირი ბიჭი ჯარში გაიწვიო, იმიტომ რომ 18 წელი შეუსრულდა და ცალი თვალით არ ჩაიხედო მისი ავადმყოფობის ისტორიაში” – ნენე დალაქიშვილი

ჟურნალისტი, ნენე დალაქიშვილი:

“არ ვიცი, ნათია გოგსაძის ლევანიკოს ამბავზე რა დავწერო.

უგულო, მავნებელი, შშმ პირებზე არმორგებული სისტემა, რომელსაც ბოროტი ადამიანები ქმნიან და ემსახურებიან.

წარმოუდგენელი ამბავია, შშმ პირი ბიჭი ჯარში გაიწვიო, იმიტომ რომ 18 წელი შეუსრულდა და ცალი თვალით არ ჩაიხედო მისი ავადმყოფობის ისტორიაში.

ოქმში ჩაწერო, რომ წვევამდელს ტელეფონით პირადად ესაუბრე და მშობლებს, რომლებიც წლები შვილისგან თუნდაც ერთი სიტყვის გაგონებას ელოდებიან, გული გაუხეთქო.

ცალკე ტრაგიკული ამბავია, რა ბრძოლა უწევთ მშობლებს, რომ შვილებისთვის შშმ პირის სტატუსი და მათთვის განკუთვნილი სერვისების მიღება შეძლონ.

არ ვიცი, რა გვაძლებინებს ამ ქვეყანაში ყველას და რა გვაძლებინებს იმ მშობლებს, ვისი შვილებიც ამ სახელმწიფოსთვის არ არსებობენ, ადამიანებად არ ითვლებიან.

Natia Gogsadze აქაც გეტყვი, როგორი მაგარი და მისაბაძი გოგო ხარ. მიყვარხარ შენი საოცარი შვილებით.”