“არსებობს ამ წამების ამსახველი ვიდეომასალა – მოვუწოდებთ სახელმწიფო ინსპექტორს გამოაქვეყნოს” – რა მოთხოვნები აქვთ სააკაშვილის ადვოკატებს?

მიხეილ სააკაშვილის ადვოკატი, ნიკა გვარამი, მედიასთან კომენტარს აკეთებს და ამბობს:

“ჩვენ დღეს აქ ვიმყოფებით, გენერალური პროკურატურის წინ, იმისათვის, რომ შევიტანოთ მოთხოვნა, მიხეილ სააკაშვილის დაზარალებულად ცნობის თაობაზე. როგორც არაადამიანური და ღირსების შემლახავი მოპყრობის მსხვერპლის.

პირველ რიგში, ეს მნიშვნელოვანია იმისათვის, რომ სრული წვდომა გქონდეს ყველა მასალაზე,რომელიც არსებობს დღეს სახელმწიფო ინპექტორის აპარატში. არსებობს მასალები, რომელზეც ხელი არ მიგვიწვდება. პირველ რიგში ეს არის ამ წამების ამსახველი, მთელი ვიდეომასალა, – ჩასმა, გადმოყვანა, გზაში რა ხდებოდა და ასე შემდეგ. მოვუწოდებ სახლემწიფო ინსპექტორს და სახალხო დამცველს, დააფიქსირონ საკუთარი პოზიცია, სასურველია საჯაროდ.

არა გვაქს მოლოდინი, რომ დაზარალებულად იქნება ცნობილი მიხიელ სააკაშვილი, შესაბამისად, სახელმწიფო ინსპექტორს მოვუწოდებთ, გამოაქვეყნოს მის ხელთ არსებული ვიდეომასალა, რადგან ამასთან დაკავშირებით, სააკაშვილის თანხმობა არსებობს, პირიქით, ის, ასევე მოუწოდებს სახელმწიფო ინსპექტორის სამსახურს, მოხდეს აღნიშნულის გამოქვეყნება.

ჩვენ ვითხოვთ საექსპერტო კვლევას და ერთადერთი ფორმატით, ამ კვლევას ვერ ჩაატარებს მხოლოდ სახელმწიფო-საექსპერტო დაწესებულება, ეს უნდა იყოს პარიტეტულ საფუძველზე შედგენილი კომისია, არამხოლოდ ფსიქოლოგიურ-ფსიქიატრილი ექსპერტიზა, არამედ კომისიური სახით ჩატარებული სრული სამედიცინო ექსპერტიზა, რაც სომატურ გამოკვლევას ნიშნავს თავიდან ბოლომდე, განსაკუთრებით ნევროლოგიურს და ასევე ფსიქოლოგიურ-ფსიქიატრიულს. ჩვენ ვაპირებთ ჩვენი ექსპერტების დანიშვნას, ეს იქნება ცენტრი “ემპათია” და სახელმწიფომაც დანიშნოს ექსპერტები – ეს იქნება პარიტეტული ექსპერტიზა, წინააღმდეგ შემთხვევაში, არ მივიღებთ სახელმწიფოს მიერ მართული საექსპერტო ბიუროს ექსპერტიზაში მონაწილეობას.

რაც შეეხება ნევროლოგიას, მისი ნევროლოგიური სტატიუსი არის მძიმე კვლავ, ზოგი ექსპერტის შეფასებით, არის ოდნავი გაუმჯობესებული, თუმცა, ამბობენ, რომ ეს არასამარისია და მეტად გაუმჯობესებისათვის არ არის იქ პირობები, სხვა ექსპერტების აზრით, გაუმჯობესება არ არის და პროცესი შეუქცევადია, შეიძლება მიხიელ სააკასვილის ნევროლოგიური სტატუსი ვერასოდეს აღდგეს.

აქედან გამომდინარე, ჩვენ საქართველოს პროკურატურისგან, სახელმწიფო ინსპექტორის ოფისისგან, მოვითხოვთ, უსწრაფესად გადაწყვეტილებების მიღებას.