სუს-ის ყოფილი მაღალჩინოსანი, სოსო გოგაშვილი:
“სამოქალაქო თავდადების მაგალითები ძალიან ცოტაა დღეს ჩვენ ყოფა- ცხოვრებაში. ცოტაა, ღირებულია და დასაფასებელი. რამდენიმე ფაქტი მაქვს ჩარჩენილი გონებაში სულ მათზე მეფიქრება.
ადრე ჩემს სტუდენტობაში მოხდა ერთი ფაქტი. ყველას გეხსომებათ ობოლა ციმაკურიძე, რომელიც თავის მეგობართან ერთად მტკვარში დაიხრჩო. ერთმა მეორის გადარჩენა ვერ შეძლო და ორივე შეეწირნენ ძმურ სიყვარულს.
იყო 13 ივნისის ტრაგედია,
როდესაც გმირი მეხანძრე-მაშველი ზურა მუზაშვილის სიცოცხლე შეეწირა მოქალაქის გადარჩენას.
წინა ზაფხულს ერთი უცნობი ბიჭი შოთა ქარსელაძე ორთაჭალაში მტკვარში 14 წლის გოგოს გადასარჩენად გადახტა და დაიხრჩო.
გუშინდელი ტრაგედიაც ჩამრჩება მეხსიერებაში, როგორც სამოქალაქო თავდადების მაგალითი, როდესაც ადამიანმა მძიმე სოციალური მდგომარეობის და გაუსაძლისი ყოფის გაპროტესტების გამო საკუთარი სიცოცხლე გაწირა.
ძალიან მძიმე ფაქტია. ვუსამძიმრებ მის ოჯახს, ღმერთმა შეუნდოს და სასუფეველი დაუმკვიდროს.
-არ შეიძლება ღლიცინი ყველაფერზე და ყველაფერი ღირებულის, მითუმეტეს სიცოცხლის გაუფასურება, ან სხვა ჭრილში გადატანა.
კი უბედური შემთხვევაა, ადამიანი მოკვდა. თავი მოიკლა.
აგებინეთ პასუხი ვინც დამნაშავეა მას!
პ.ს. ტუნისში საპროტესტო აქციები, რომლებიც ხელისუფლების ცვლილებით დასრულდა, 2010 წლის 17 დეკემბერს დაიწყო. არაბული გაზაფხულის დაწყების საბაბი ხილით მოვაჭრე მოჰამედ ბუაზიზის ქმედება გახდა. მას შემდეგ, რაც ადგილობრივმა პოლიციამ მას პროდუქცია და სასწორი ჩამოართვა, პროტესტის ნიშნად ქალაქ სიდი-ბუზიდის გუბერნატორის ოფისის წინ თავი დაიწვა.”
კომენტარები