საპარლამენტო უმრავლესობის წევრი დავით სერგეენკო, „ლეიბორისტული პარტიის“ ლიდერის, შალვა ნათელაშვილის განცხადებას, რომელიც სოციალურად დაუცველებს უკავშირდება, ეხმაურება და მედიასთან ამბობს:
„არ ვთვლი ხოლმე საჭიროდ, რომ შალვა ნათელაშვილის განცხადებებზე კომენტარები გავაკეთო. უბრალოდ, მისი ეს განცხადება გულზე მომხვდა, იმდენად მიზანტროპული და მიუღებელია ეს ყველაფერი. იმედია, ეს ადამიანი თავის შეცდომას დაინახავს და საზოგადოებას ბოდიშს მოუხდის“
ცნობისათვის, „ლეიბორისტული პარტიის“ ლიდერმა, შალვა ნათელაშვილმა განაცხადა: „სოციალურად დაუცველებმა იქნებ დაისვენონ ერთი არჩევნები და მონაწილეობა არ მიიღონ. არჩევნებზე მოვიდეს ის ხალხი, ვისაც არ უნდა საკუთარი ნამუსის გაყიდვა“.
კომენტარები