“ე.წ. “შავი სია” არ ითვალისწინებს არავის დაჭერას, ეს არის “მაგნიტსკის სია”, სადაა აქ დაჭერა და დახვრეტა?” – რომან გოცირიძე

“ენმ”-ის წევრი, რომან გოცირიძე:

“ისევ დაიწყო შეშინებულმა “ქარათულმა ოცნებამ” ოპოზიციის ბულინგი და ზოგიერთი წამოეგო კიდევაც.

ე.წ. “შავი სია” არ ითვალისწინებს არავის დაჭერას. ეს არის საერთაშორისოდ აღიარებული “მაგნიტსკის სია”, რომელიც ითვალისწინებს პერსონალურ სანქციებს, კონკრეტულად სავიზო შეზღუდვებს.

გამოაძევეს უკრაინელი ოლიგარქი კალამოისკი და მისი ოჯახი ამერიკიდან, გამოაძევეს მოლდოველი ოლიგარქი და მისი ოჯახი ამერიკიდან, არ შეუშვებენ ამერიკაში უკრაინის უზენაესი სასამართლოს თავმჯდომარეს და მის მეუღლეს.

მსგავსი სანქციები უნდა იქნას დაწესებული ქართველ მოსამართლეებზე, პროკურორებზე, ძალოვნებზე, ზოგიერთ სხვა მოხელეზე. სადაა აქ დაჭერა და დახვრეტა? ძალიან კი მოხვდათ გულზე!”