ნიუ-იორკში ხანძარს 19 ადამიანის სიცოცხლე ემსხვერპლა, ათობით კი დაშავდა.
გარდაცვლილებს შორის 9 ბავშვია.
ინფორმაციას გარდაცვლილებისა და დაშავებულების შესახებ ქალაქის ოფიციალური პირები ავრცელებენ.
„დაღუპულთა რაოდენობა შემზარავია. ეს არის მტკივნეული მომენტი, არა მხოლოდ ბრონქსში მცხოვრები თითოეული ადამიანისთვის, არამედ მთელი ქალაქისთვის. ეს არის ერთ-ერთი ყველაზე საშინელი ხანძარი, რომელიც ჩვენ თანამედროვეობაში ნიუ-იორკში ვიხილეთ“, აცხადებს ქალაქის მერი, ერიკ ადამსი.
ბრონქსის ერთ-ერთ საცხოვრებელ კორპუსში ხანძარი კვირას შუადღით გაჩნდა. ხანძრის გამომწვევი მიზეზის დასადგენად გამოძიება მიმდინარეობს.
ინფორმაციას და ვიდეოს “ამერიკის ხმა” ავრცელებს.
კომენტარები