ძარცვა თბილისში – ვინ არის დაკავებული?

ფოტო – მთავარი

პოლიციამ თბილისში მომხდარი ძარცვის ფაქტი გახსნა – დაკავებულია ერთი პირი.

საუბარია ვარკეთილში, “ბესტ მარკეტში” მომხდარ დანაშაულის ფაქტზე. 

დაკავებული წარსულში ნასამართლევი, 2004 წელს დაბადებული ნ.ნ. 

გამოძიებით დადგინდა, რომ ბრალდებული მიმდინარე წლის 4 იანვარს, თბილისში, ვარკეთილში მდებარე “ბესტ მარკეტში” შევიდა, მოლარე ოპერატორს ძალის გამოყენებით სალაროდან​ თანხა გასტაცა და შემთხვევის ადგილიდან მიიმალა.

გამოძიება საქართველოს სისხლის სამართლის კოდექსის 178-ე მუხლის მე-2 ნაწილის “ა” ქვეპუნქტით მიმდინარეობს, რაც გულისხმობს ძარცვას, რამაც მნიშვნელოვანი ზიანი გამოიწვია – ნათქვამია შსს-ს ინფორმაციაში.