ალმათის “გაწმენდის” ოპერაციაში “ვაგნერის” მებრძოლები და რუსეთის სპეცრაზმი მონაწილეობს? – “არიან დაჭრილები და დაღუპულები”

ფოტო – world military

ცოტა ხნის წინ ყაზახეთის პრეზიდენტმა დახმარების თხოვნით მიმართა რუსეთს, რათა, მისივე თქმით, მოხდეს ყაზახეთში არსებული ,,ტერორისტული თავდასხმის” განეიტრალება.

მალევე გავრცელდა ინფორმაცია, რომ ყაზახეთის არმიის საჰაერო-სადესანტო ნაწილების (დაუზუსტებელად, რუსეთის სპეცდანაყოფების) სამი მიმართულებით დაწყებული ანტიტერორისტული შტუმრის შედეგად ქალაქში დაბრუნდნენ საპოლიციო და უსაფრთხოების ძალები.

დაუზუსტებელი ინფორმაციით ქალაქში ორმხრივი შეტაკებების შედეგად ათობით დაღუპული და ასობით დაჭრილია.

World miltary-ს ინფორმაციით, შეიარაღებული მომიტინგეები უკან დახევას არ აპირებენ, ვითარება კრიტიკულია და ყოველი ქუჩისთვის ინტენსიური შეტაკებები გრძელდება.

მედიასაშუალების ცნობით, თავდაცვის სამინისტროს სადესანტო ნაწილებმა უკვე დაიბრუნეს ალმათას საერთაშორისო აეროპორტი, ხოლო ოპერაცია გრძელდება ქალაქის სტრატეგიული ობიექტების გასათავისუფლებლად.

გავრცელებული, დაუდასტურებელი ინფორმაციით, რომელსაც ასევე world military წერს, ალმათას ,,დაბრუნების” ოპერაციაში მონაწილეობაზე ყაზახმა სამხედროებმა უარი თქვეს, რის შემდეგაც ,,ანტიტერორისტული” ოპერაცია რუსეთის თავდაცვის სამინისტროს სპეც დანაყოფებისა და ვაგნერის მებრძოლების მონაწილეობით დაიწყო. ამ წუთებში ქალაქში ისმის ინტენსიური სროლისა და შეტაკებების ხმა.

ქალაქში სატელევიზიო, სატელეფონო და ინტერნეტ კომუნიკაცია სრულად შეზღუდულია.

აღმოსავლეთმცოდნე, ზურაბ ბატიაშვილი კი წერს:

ალმათის ქუჩებში დაიწყო ბრძოლები პროტესტანტებსა და ძალოვანებს შორის. ორივე მხრიდან არიან დაღუპულები და დაჭრილები.

წყარო: