“რუსეთს გაუჭირდება დაიწყოს სამხედრო ოპერაცია უკრაინაში, სანამ ყაზახეთში გული საგულეს არ ექნება” – ლაგაზიძე

პოლიტოლოგი, ხათუნა ლაგაზიძე:

“ძალიან საინტერესოდ ვითარდება პროცესები ყაზახეთში:

1. ყაზახეთი სტრატეგიული ქვეყანაა დასავლეთისთვის როგორც ჩინეთზე, ასევე რუსეთზე ზემოქმედებისთვის:

2. დასავლეთისთვის ეს მნიშვნელოვანი კოზირაად შეიძლება იქცეს რუსეთთან დაგეგმილი მოლაპარაკების პროცესში;

3. რუსეთს გაუჭირდება თამამად დაიწყოს სამხედრო ოპერაცია უკრაინაში, სანამ ყაზახეთში გული საგულეს არ ექნება;

4. პროტესტი არა იმდენად მოქმედი პრეზიდენტის, ანუ დღევანდელ დღემდე ყაზახი “მედვედევის” წინააღმდეგ, არამედ ძალაუფლების რეალური მფლობელის – ყოფილი პრეზიდენტის და დღემდე უშიშროების საბჭოს მოქმედი თავმჯდომარის – ნაზარბაევის პოლიტიკიდან რეალური ჩამოშორების მოთხოვნაში გადაიზარდა;

5. ამავდროულად, პროცესებით შეიძლება ისარგებლოს რუსეთმაც უკრაინის “მაიდნის” სცენარით ანუ თუ ხელისუფლება ყაზახეთში მოირყა და დასუსტდა, რუსეთმა შეიძლება მოინდომოს ყაზახეთს წაართვას მოსაზღვრე, დიდწილად რუსებით დასახლებული რეგიონები;

6. ჯერ რთულია თქმა, სპონტანურია პროცესები და თვითდინებით მიდის თუ მაგალითად სასახლის კარის გადატრიალებაა, რაც შეიძლება შედიოდეს იგივე მოქმედი პრეზიდენტის ინტერესებშიც, ნაზარბაევის ჩრდილიდან გამოსვლის და რეალური ძალაუფლების ხელში აღების მიზნით;

7. ამ ეტაპზე პროტესტის შეჩერება ვერ ხერხდება, მიუხედავად იმისა, რომ ნაზარბაევი გადადგა უშიშროების საბჭოს თავმჯდომარეობიდან. ხალხი ნაზარბაევის ძეგლებს აგდებს და ცალკეულ ქალაქებში პოლიცია ხალხის მხარეზე გადადის.

8. პროცესების მიმდინარეობის თაობაზე ინფორმაციას დამატებით მოგაწვდით.”