კოვიდპანდემიის გამო, საზეიმო “ალილო” წელსაც განსხვავებულად, რეგულაციების დაცვით ჩატარდება.
როგორც საპატრიარქოში აცხადებენ, შობის დღესასწაულთან დაკავშირებით, მანქანებით მსვლელობა 7 იანვარს, 14:00 საათზე, პირველი რესპუბლიკის მოედნიდან დაიწყება, 16:00 საათზე კი ქრისტესშობის სამადლობელო პარაკლისით დასრულდება:
“წლებია 7 იანვარს, ქრისტესშობას, თბილისსა და მთელს საქართველოში ტრადიციული საზეიმო მსვლელობა – “ალილო” ეწყობა. “ალილოს” სადღესასწაულო ელფერი, სრულიად საქართველოს კათოლიკოს-პატრიარქის ილია II-ის კურთხევით 2000 წლიდან მიეცა.
მსვლელობა მანქანებით დაიწყება 7 იანვარს, 14:00 საათზე, პირველი რესპუბლიკის მოედნიდან, რომელიც დასრულდება სამების საკათედრო ტაძარში, 16:00 საათზე, ქრისტესშობის სამადლობელო პარაკლისით.
ვიმედოვნებთ, ახალ 2022 წელს, შობის დღესასწაულს კვლავ ერთად აღვნიშნავთ და ამ საყოველთაო სიხარულს მივუტანთ იმ ადამიანებს, ვისაც ყველაზე მეტად სჭირდება”, – წერია გავრცელებულ ინფორმაციაში.
კომენტარები