ხათო გაბრიჭიძე:
“დღეს, ტრადიციულად, ამერიკაში ქართველი “სუპერ-დედიკოების” და იტალიელი ემიგრანტების ფინანსური მხარდაჭერით, ტყიბულში, გარდაცვლილ მეშახტეთა ოჯახებს ვესტუმრეთ, მხიარული ღონისძიების შემდეგ ბავშვებს გადავეცით საახალწლო ტკბილეული და თანხა, თითოეულ ოჯახს 200 ლარის ოდენობით. ასევე მოვინახულეთ რამდენიმე მრავალშვილიანი ოჯახი, რომელთა საახალწლო სურვილი იყო ელექტრო ღუმელი და ესეც ჩვენი ემიგრანტების წყალობით შევიძინეთ, საერთო ჯამში 30-მდე ოჯახი და 50-მდე ბავშვი დასაჩუქრდა ამ არაჩვეულებრივი ადამიანების შემწეობით.
ვინც მოსვლა ვერ მოახერხა, მათ ანგარიშზე გადავურიცხეთ, თუმცა ვინც მოვიდა, და სიცივის მიუხედავად ბოლომდე ჩვენთან ერთად იყო, ყველამ ძაააალიან ძალიან ბევრი ვიმხიარულეთ ანიმატორებთან ერთად.
ყოველ ახალ წელს ბედნიერი ვარ ხოლმე, რადგან ამდენი გახარებული ბავშვის თვალები მავსებს და მახარებს, თუმცა არ შემიძლია არ აღვნიშნო, რომ წლევანდელი წელი გამონაკლისი იყო, რადგან აღარ დამხვდა ის სილაღე და სიხალისე, რაც მანამდე… ამ ორწლიანმა კოვიდ-ისტერიამ სერიოზული დაღი დაასვა როგორც უფროსებს, ასევე ბავშვებს… ისედაც მძიმე მდგომარეობაში მყოფი ადამიანები კიდევ უფრო დასტრესილები და ჩამქრალები დაგვხვდნენ….
თუმცა ვიმედოვნებ, რომ 2022 წელი ბევრად უკეთესი და ბედნიერი იქნება! ვიცი, ყველა თქვენგანის უდიდესი სურვილი ეს არის
მინდა, რომ ყველა ბავშვის თვალები ბედნიერებისგან ციმციმებდეს!!!
ყველა ბავშვს ჯადოსნური ახალი წელი ჰქონდეს და ოცნებები ასრულებოდეთ!
არ უწევდეთ პატარა მხრებით იმ უზარმაზარი ტვირთის ტარება, რასაც ახლა ატარებენ და არ უწევდეთ იმ დარდის გაზიარება, რომელსაც მშობლები ატარებენ გულით …”
კომენტარები