“ჭკვიანად იყავი, ნუ ბლატაობ”; “გამოთიშეთ მიკროფონი” – დაპირისპირება კომიტეტის სხდომაზე

კომიტეტების სხდომაზე სიტყვიერი დაპირისპირება GDI-ის წარმომადგენლ ედუარდ მარიკაშვილმა თქვა, რომ “ქართული ოცნების” მიერ ინსპექტორის სამსახურის შესახებ კანონპროექტი პრინციპულ დონეზე მიუღებელია. 

ედუარდ მარიკაშვილი:

“პრინციპების დონეზე ეს კანონპროექტი მიუღებელია. ის არღვევს კონსტიტუციურ პრინციპს. ამ კანონპროექტის მიღებით ირღვევა წონასწორობა. თქვენ ვერაფერი შეგაჩერებთ რომ პოლიტიკური გავლენები გაავრცელოთ დამოუკიდებელ ინსტიტუტებზე. მე ვგულისხმობ თქვენს პოლიტიკურ სიჩქარეს. ერთადერთი ჩვენ რაც შეგვიძლია გავაკეთოთ არის ის რომ დაგარქვათ სახელი, დავარქვათ თქვენს გადაწყვეტილებებს სახელი, რომ ეს სახელი შემდგომ გამოჩნდეს საერთაშორისო დონეზე და რომ მოსახლეობამ დაინახოს რა გქვიათ – თქვენ ყველანი ხართ ავტორიტარიზმის წარმომადგენლები”

გურამ მაჭარაშვილი:

“გამოურთე, გაათრიე აქედან”

მიხეილ სარჯველაძე:

“თქვენ ვერ დაასრულებთ, გამოთიშეთ მიკროფონი”

ალუდა ღუდუშაური:

“თითი ჩაწიე და ჭკვიანად იყავი, ნუ ბლატაობ.”

პარლამენტში საპროცედურო საკითხთა და ადამიანის უფლებათა დაცვის კომიტეტების ერთობლივი სხდომა მიმდინარეობს. დღის წესრიგში განსახილველი საკითხების სიაშია ინსპექტორის შესახებ უმრავლესობის მიერ ინიციირებული კანონპროექტის განხილვა. სხდომას ესწრება არასამთავრობო სექტორის წარმომადგენლებიც.