რუსთაველის გამზირზე მიმდინარე აქციაზე ენმ-ის თავმჯდომარემ ნიკა მელიამ თქვა:
“ვიწყებთ მასობრივ საპროტესტო შიმშილობის აქციას“
მისი თქმით, შიმშილობა გაგრძელდება იქამდე, ვიდრე არ გათავისუფლდება საქართველოს მესამე პრეზიდენტი მიხეილ სააკაშვილი.
შიმშილობას ენმ-ის წევრები და მხარდამჭერები კახეთის გზატკეცილზე, ენმ-ის ოფისის მიმდებარედ დაიწყებენ. ისინი ამ ადგილას აქციიდან გადაინაცვლებენ.
“მე მეგობრებთან ერთად, ბევრ ადამიანთან ერთად და ვიქნებით იმაზე მეტნი, ვიდრე მავანს წარმოუდგენია – ვიწყებთ ახალ საეტაპო ბრძოლას, ჩვენ ვაცხადებთ მასობრივ, საპროტესტო შიმშილობის აქციას. ეს კონსტიტუციური უფლებაა, მაგრამ მძიმეა. ვერავის დავავალდებულებ, გადადგას ეს მძიმე ნაბიჯი, მაგრამ არ არის ამ რეჟიმის მოსვენების ფუფუნების დრო. რაც უფრო მასობრივი იქნება, რაც უფრო მაღალი იქნება კონსოლიდაცია, შედეგი იქნება უფრო მალე პოზიტიური. მთელმა მსოფლიომ უნდა დაინახოს, რომ არ ვეგუებით ქვეყნის მესამე პრეზიდენტის ტყვედ აყვანას” – ამბობს ნიკა მელია.
ნიკა მელიამ თქვა, რომ რუსთაველის გამზირს საახალწლოდ სივრცედ უტოვებს ბავშვს და სწორედ ამიტომ იწყებენ მასობრივ საპროტესტო მასობრივ შიმშილობას კახეთის გზატკეცილზე.
კომენტარები